اپتاپ ىستىق، وتكىنشى جاڭبىر، جەل - سەيسەنبىگە ارنالعان اۋا رايى

نۇر- سۇلتان. قازاقپارات - سەيسەنبىدە ەلىمىزدىڭ باسىم بولىگىندە ىستىق بولادى، تەك باتىس پەن شىعىستا وتكىنشى جاڭبىر جاۋادى، دەپ حابارلايدى قازاقپارات قازگيدرومەتكە سىلتەمە جاساپ.

سينوپتيكتەردىڭ بولجاۋىنشا، 29-ماۋسىمدا قازاقستاننىڭ باتىسىندا، شىعىسىندا جانە وڭتۇستىك- شىعىسىندا اتموسفەرالىق اعىنداردىڭ وتۋىنە بايلانىستى وتكىنشى جاڭبىر جاۋادى، نايزاعاي جارقىلدايدى. ەلىمىزدىڭ قالعان بولىگىندە كۇن رايى اشىق بولادى.

سولتۇستىكتە تۇندە جانە تاڭەرتەڭ تۇمان ءتۇسۋى مۇمكىن، كۇندىز وڭتۇستىك- شىعىستا بۇرشاق جاۋۋى ىقتيمال. جامبىل وبلىسىندا كۇندىز تاۋلى جانە تاۋ بوكتەرىندەگى اۋدانداردا بۇرشاق جاۋۋى ىقتيمال، كەي جەرلەردە جەل 15-20 م/س كۇشەيەدى.

باتىس قازاقستان، شىعىس قازاقستان، كۇندىز اقتوبە، قوستاناي وبلىستارىنىڭ كەي جەرلەرىندە جەل 15-20 م/س كۇشەيەدى، كۇندىز باتىس قازاقستان وبلىسىنىڭ كەي جەرلەرىندە بۇرشاق جاۋادى. سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان ءتۇسۋى مۇمكىن.

كۇندىز باتىس قازاقستان، اتىراۋ، ماڭعىستاۋ، اقتوبە وبلىستارىندا ىستىق، كەي جەرلەردە وتە قاتتى ىستىق بولادى. الماتى، جامبىل، تۇركىستان، قىزىلوردا وبلىستارىنىڭ باسىم بولىگىندە، قاراعاندى وبلىسىنىڭ كەي جەرلەرىندە، قوستاناي وبلىسىنىڭ وڭتۇستىگىندە اپتاپ ىستىق بولادى. قىزىلوردا، ماڭعىستاۋ، اتىراۋ، اقتوبە، تۇركىستان، جامبىل وبلىستارىنىڭ باسىم بولىگىندە، قاراعاندى، باتىس قازاقستان، قوستاناي، الماتى وبلىستارىنىڭ كەي جەرلەرىندە ءورت قاۋىپى وتە جوعارى.