لوندوننىڭ قاق ورتاسىندا جويقىن جارىلىس بولدى

نۇر- سۇلتان. قازاقپارات -ءورت ءسوندىرۋ قىزمەتىنىڭ حابارلاۋىنشا، مەترونىڭ «ەلەفانت ەند كاسل» ۆوكزالىنداعى ورتتەن ساۋدا نىساندارى مەن بىرنەشە اۆتوكولىك وتقا ورانعان.

قازىر مەن وقيعا ورنىنا جاقىن جەردە تۇرمىن. كوكتە ءتۇتىن قاپتاپ، ءيسى مۇرىن جارادى. بۇل Elephant and castle اتتى مەترو بەكەتىنىڭ ماڭى. قازىر شامامەن جەتپىستەي ءورت ءسوندىرۋشى ءتىلسىز جاۋمەن كۇرەسىپ جاتىر. ءۇش كوممەرتسيالىق نىسان، ءتورت اۆتوكولىك جانە تەلەفون بۋدكاسى ورتەندى دەگەن اقپارات بار.

جەرگىلىكتى تۇرعىندار ۇيلەرىنەن شىقپاي، ەسىك- تەرەزەلەرىن قىمتاپ ۇستاسىن دەگەن ەسكەرتۋ الدى. بارلىق پويىز قاتىناسى توقتادى. لوندون ۋاقىتى بويىنشا شامامەن تۇسكى 13:45-تەردە وقيعا ورنىنا 10 ءورت ءسوندىرۋ كولىگى جەتكەنى بەلگىلى. الدىن الا بولجامدار بويىنشا، ءورت تەمىر جول ۆوكزالىنا جاقىن جەردەگى بىرنەشە گاراجداردا تۇتانعان. ازىرگە ادام شىعىنى جايلى قانداي دا ءبىر اقپارات جوق. بەلگىلىسى وتتى سوندىرۋگە 70 مامان مەن ون شاقتى تەحنيكا جۇمىلدىرىلعان.

وسى ماڭدا تۇراتىن ادامدار بىرنەشە جارىلىستىڭ ەستىگەنىن ايتادى. مەيرامحانالار مەن كەڭسەلەردە جۇمىس ىستەيتىندەردىڭ بارلىعى سىرتقا شىعارىلدى. ءبىراقاتار كولىك جولدارى جابىلىپ وتىر، حالىققا بۇل اۋداندى سىرت اينالىپ وتۋگە جانە اۆتوبۋس، مەترو پايدالانباۋعا كەڭەس بەرىلىپ وتىر .

www.24.kz