ماسكەۋدە نوسەر جاۋىننان سوڭ كوشەلەر مەن مەترو ستانتسياسىن سۋ باستى

ماسكەۋ. ت ا س س - قازاقپارات - رەسەي استاناسى ماسكەۋ قالاسىنا نوسەر جاۋىن جاۋىپ، كوشەلەر مەن مەترو ستانتسياسىن سۋ باستى، دەپ حابارلايدى قازاقپارات رەسەيلىك تاسس اگەنتتىگىنە سىلتەمە جاساپ.

كۇشتى جەل بىرنەشە تالدى، جارناما باعاندارىن قۇلاتىپ، دۇكەن تەرەزەلەرىن سىندىردى.

«وسى ۋاقىتتا ماسكەۋدىڭ بىرنەشە كوشەسىن سۋ باسقانى بەلگىلى. وسى سەبەپتى كولىك بايلانىسى قيىندادى. سونداي- اق «ياسەنيەۆو» مەتروسىن دا سۋ باسىپ، پويىزدار تەك «تەپلىي ستان» مەن «نوۆوياسەنيەۆو» ارقىلى عانا قاتىناۋدا»، - دەدى اگەنتتىكتىڭ دەرەككوزى.

بۇعان قوسا، كۇشتى جەل بىرنەشە تالدى، جارناما باعاندارىن قۇلاتىپ، دۇكەندەردىڭ اينەكتەرىن زاقىمدادى. جازعى ءدامحاناعا كەلۋشىلەردى سىرتقا شىعارۋعا تۋرا كەلدى.

«شەلكوۆوداعى ساۋدا ورتالىعىنىڭ شاتىرىن جەل كوتەرىپ كەتتى. زارداپ شەككەندەر جوق»، - دەدى ول.

سونىمەن قاتار، نوۆوكوسينودا قۇرىلىسى ءجۇرىپ جاتقان تۇرعىن ءۇيدىڭ جىلىتقىش ماتەريالدارن جەل ۇشىرىپ اكەتتى. سونداي- اق نوۆوياسەنيەۆسك داڭعىلىنداعى «كاليتا» ساۋدا ءۇيى مەن GreenPark تۇرعىن ءۇيىن سۋ باستى.