اسسامبلەيانىڭ تاۋەلسىز قازاقستان تاريحىنداعى ءرولى تالقىلاندى
شارانىڭ شىمىلدىعىن اشقان قازاقستان حالقى اسسامبلەياسى ءتوراعاسىنىڭ ورىنباسارى، ق ر پرەزيدەنت قازاقستان حالقى اسسامبلەياسى حاتشىلىعىنىڭ مەڭگەرۋشىسى مارات ءادىلحانوۆ ۇيىمنىڭ تاۋەلسىز قازاقستان تاريحىنداعى ءرولى تۋرالى بايانداما جاسادى.
«بيىل وتانىمىزدىڭ تاۋەلسىزدىگىنە 30 جىل تولىپ وتىر. تۇڭعىش پرەزيدەنت - ەلباسىنىڭ كورەگەن ساياساتىنىڭ ارقاسىندا كوپ ەتنوستى، كوپ كونفەسسيالى قازاقستان تاتۋلىق پەن كەلىسىمدە ءومىر ءسۇرۋ مودەلىن تاڭدادى. تاريحي تۇرعىدان قىسقا بولىپ كورىنسە دە، جاس مەملەكەت تاريحى ءۇشىن مۇلدە ماڭىزدى كەزەڭدە جاسالعان تاڭداۋ ءوزىنىڭ ومىرشەڭدىگىن دالەلدەدى. تاۋەلسىزدىكتىڭ العاشقى جىلدارىندا ەلباسى بارلىق ەتنوستاردىڭ مۇددەسىن قورعاۋعا قابىلەتتى قوعامدىق ينستيتۋت قۇرۋ تۋرالى تاپسىرما بەرگەن بولاتىن. وسىلايشا 1995-جىلى قازاقستان حالقى اسسامبلەياسى قۇرىلدى. اسسامبلەيا مەن ونىڭ مۇشەلەرى ەلىمىزدىڭ دامۋى مەن قالىپتاسۋىنا ۇلكەن ۇلەس قوسىپ وتىر. مەملەكەتىمىزدىڭ بۇگىنگى جەتىستىكتەرىن ماقتان ەتە الامىز»، - دەدى اسسامبلەيا ءتوراعاسىنىڭ ورىنباسارى.
سونداي-اق، ول عىلىمي-ساراپتامالىق كەڭەستىڭ ۇلتتى ۇيىستىرۋداعى ەڭبەگىنە توقتالدى.
«اۋقىمدى ىسكە اسسامبلەيانىڭ بەلسەندى مۇشەلەرى دە ۇلەس قوسۋدا. سونىڭ ىشىندە عىلىمي-ساراپتامالىق كەڭەس تە كوپتەگەن جىلدار بويى ءونىمدى جۇمىس ىستەپ، ءتۇرلى زەرتتەۋلەر وتكىزىپ كەلەدى. كەڭەس قالىپتاستىرعان ماتەريالدىڭ ءبارى سۇرانىسقا يە. سونداي-اق، ول قازاقستان حالقى اسسامبلەياسى، ونىڭ ىشىندە عىلىمي-ساراپتامالىق كەڭەس تە تاۋەلسىز قازاقستاننىڭ ءارى قاراي دامۋىنا ۇلەس قوسا بەرەدى»، - دەدى مارات ءادىلحانوۆ.
