الماتىدا ەپيدەميولوگيالىق جاعداي وتە كۇردەلى - جانداربەك بەكشين

الماتى. قازاقپارات - الماتىدا ەپيدەميولوگيالىق جاعداي وتە كۇردەلى.

بۇل تۋرالى ونلاين بريفينگ بارىسىندا الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين ءمالىم ەتتى، دەپ حابارلايدى قازاقپارات ءتىلشىسى.

«الماتى قالاسىندا كوروناۆيرۋس بويىنشا ەپيدەميولوگيالىق جاعداي وتە كۇردەلى. جىل باسىنان 28- ماۋسىمعا دەيىن 55101 جاعدايى، ماۋسىم ايىندا - 3889 جاعداي تىركەلدى. وتكەن اپتادا كوروناۆيرۋس اۋرۋشاڭدىعى 1,7 ەسە ءوستى (742 دەن 1237 گە دەيىن)، سوڭعى تاۋلىكتە 215 جاعدايى تىركەلدى، تاۋلىكتىك ءوسىم %0,2 دى قۇرادى»، - دەيدى جانداربەك بەكشين.

ونىڭ ايتۋىنشا، الماتى قالاسىنداعى ەپيدەميولوگيالىق جاعداي كونتاگيوزدى مۋتاتسيالانعان «دەلتا» شتامىنىڭ تارالۋىنا بايلانىستى كۇردەلەنە ءتۇستى، بۇل رەتتە پ ت ر ورتاشا تاۋلىكتىك وڭ ناتيجەلەرى وسى جىلعى 17- ماۋسىمنان باستاپ تاۋلىگىنە 114 تەن 21- ماۋسىمنان باستاپ تاۋلىگىنە 188 گە دەيىن ءوستى.

«ۆيرۋس جۇقتىرعاندار سانىنىڭ كۇرت وسۋىنە بايلانىستى ءبىز مۋتاتسيالانعان شتامدارعا زەرتتەۋ جۇرگىزدىك. ناتيجەسىندە ك ۆ ي ناۋقاستارىنان الىنعان 131 ۇلگىنىڭ 77 «الفا»، بريتاندىق شتامدار، 46 ۇلگىدە «دەلتا»، ءۇندى شتامدارى انىقتالدى.

سونىمەن قاتار، ەكى «گامما»، وڭتۇستىك افريكا شتاممدارى مەن ءبىر نيۋ-يورك، «بەتتا» شتامى تىركەلدى. جالپى ەپيدەميولوگيالىق جاعدايدىڭ كۇردەلەنۋى «الفا» شتاممىنىڭ تارالۋىنان، ال اۋرۋدىڭ ارتۋى نۇر-سۇلتان قالاسى مەن رەسەيدەن اكەلىنگەن «دەلتا» شتامىنىڭ سالدارىنان»، - دەدى جانداربەك بەكشين.