ەلوردادا قوسىمشا قاتاڭ تالاپتار ەنگىزىلەدى
بۇل تۋرالى نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا ايتتى، دەپ حابارلايدى قازاقپارات ءتىلشىسى.
«سوڭعى اپتادا الدىڭعى اپتامەن سالىستىرعاندار ناۋقاستانۋ دەڭگەيىنىڭ 65 پايىزعا نەمەسە 1400 جاعدايعا وسۋىنە بايلانىستى جانە ەپيدەميولوگيالىق احۋالدىڭ ناشارلاۋىن ەسكەرە وتىرىپ، قوسىمشا قاتاڭ ءىس-شارالار ەنگىزىلەتىن بولادى»، - دەدى سانيتار دارىگەر.
ونىڭ اتاپ وتۋىنشە، ەلوردا اۋماعىندا ساياباقتارداعى اشىق اۋادا جۇمىس ىستەيتىن اتتراكتسيونداردىڭ جۇمىسىنا تىيىم سالىنادى. قالا كۇنىن اتاپ وتۋگە دە شەكتەۋلەر ەنگىزىلەدى. بۇل رەتتە ءىس-شارالار ونلاين فورماتتا جانە اشىق اۋادا اشىق جوباسى ارقىلى عانا جۇرگىزىلەدى. كورەرمەندەردىڭ قاتىسىمەن كونسەرتتىك ءىس-شارالار دا وتكىزۋگە بولمايدى.
«ءىرى سپورت كەشەندەرىندە كورەرمەندەردىڭ قاتىسۋىمەن سپورتتىق ءىس-شارالاردى وتكىزۋگە، ەكسكۋرسيالىق تۋرلار ۇيىمداستىرۋعا تىيىم سالىنادى. ءبىلىم بەرۋ ورتالىقتارىندا ءبىلىم الۋشىلاردىڭ سانى 15 تەن 10 ادامعا دەيىن قىسقارتىلادى جانە دەمالىس كۇندەرى جۇمىس ىستەۋىنە تىيىم قويىلادى»، - دەدى سارحات بەيسەنوۆا.
