ش ق و-دا پالۋاندار باتل ۇيىمداستىرىپ، كۇش تەڭەستىردى

وسكەمەن. قازاقپارات - وسكەمەندە قاجىمۇقان مۇڭايتپاس ۇلىنىڭ قۇرمەتىنە ەڭ مىقتى دەگەن اتلەتتەر باتل ۇيىمداستىردى، دەپ حابارلايدى قازاقپارات.

قازاقستان سپورتشىلارى وداعىنىڭ باسپا ءسوز قىزمەتىنەن ءمالىم ەتكەندەي، Batyrs' Battle جوباسىنىڭ اۆتورى بەلگىلى اتلەت، ق ر مادەنيەت جانە سپورت مينيسترلىگىنىڭ امباسسادورى سەرگەي تسىرۋلنيكوۆ. سايىسقا وبلىستىڭ ءار اۋدانىنان 8 پالۋان قاتىستى.

ولار: - بيىكتىككە قاپ كوتەرۋ - بورەنە كوتەرۋ - تاس كوتەرۋ - مەتالدان جاسالعان شىبىق مايىستىرۋ - بەلدەسۋ بويىنشا كۇش تەڭەستىردى.

«بۇل تەك سپورتتىق ەمەس، سونداي-اق مادەني شارا. سول ارقىلى ءبىز قاجىمۇقان مۇڭايتپاس ۇلىنىڭ 150 جىلدىعىن اتاپ وتەمىز، ال باتىرلارىمىز پالۋانىمىزدىڭ ىزىمەن ءجۇرىپ كورەدى. ودان بولەك، شارانىڭ تاربيەلىك ءمانى دە بار. ءبىز بابامىزدان قالعان ءداستۇردى جاس ۇرپاققا جەتكىزىپ، مۇنداي سپورت تۇرلەرىن ساقتاۋعا تىرىسۋدامىز»، - دەدى سەرگەي سىرۋلنيكوۆ. ناتيجەسىندە Batyrs' Battle بەلدىگى گرەك- ريم كۇرەسىنەن ق ر سپورت شەبەرى، ازيا چەمپيوناتىنىڭ جۇلدەگەرى سالاۋات احمەتقاليگە بۇيىردى.

قازاقستان سپورتشىلارى وداعىنىڭ ءتوراعاسى ازامات قارلىعاشەۆ ەكى جەڭىمپاز رەسپۋبليكالىق سايىستىڭ نۇر-سۇلتان قالاسىندا وتەتىن اقتىق كەزەڭىندە ونەر كورسەتە الاتىنىن ايتتى.

سايىس قورىتىندىسى:

1-ورىن - سالاۋات احمەتقالي (بويى - 178 س م، سالماعى - 118 ك گ)

2-ورىن - الەكساندر نيكيتين (بويى - 188 س م، سالماعى - 115 ك گ)

3-ورىن - ماكسيم وسيپوۆ (بويى - 178 س م، سالماعى - 118 ك گ)

4-ورىن - مانات ەشمۋراتوۆ (بويى - 178 س م، سالماعى - 118 ك گ)

5-ورىن - رومان كاۋنوۆ (بويى - 180 س م، سالماعى - 97,50 ك گ)

6-ورىن - الەكسەي سيزوۆ (بويى - 174 س م، سالماعى - 98 ك گ)

7-ورىن - ەۆگەني ەپيفانوۆ (بويى - 185 س م، سالماعى - 115 ك گ)

8-ورىن - ەۆگەني بوريسوۆ (بويى - 178 س م، سالماعى - 106 ك گ)

اۆتور: تالعاتجان مۇحامەتبەك ۇلى