يزرايلدە دەلتا شتامىن جۇقتىرعانداردىڭ جارتىسى ۆاكسينا العان
بۇل تۋرالى The Wall Street Journal جازدى، - دەپ حابارلايدى Tengrinews.kz ءتىلشىسى.
بۇل دەرەك ەل ۇكىمەتىن عيماراتتاردا ماسكا تاعۋ تۋرالى تالاپتى قايتا ەنگىزۋگە جانە باسقا شارالارعا بارۋعا ءماجبۇر ەتتى.
يزرايل شەنەۋنىكتەرىنىڭ الدىن-الا مالىمەتى بويىنشا، كوروناۆيرۋستىڭ جاڭا جاعدايلارىنىڭ 90 پايىزعا جۋىعى دەلتا شتامىنان تۋىنداعان. سونىمەن قاتار، ۆاكسينا سالدىرعان 16 جاسقا دەيىنگى بالالار ۆيرۋس جۇقتىرعانداردىڭ جارتىسىنا جۋىعىن كورسەتەدى.
وتكەن اپتادا يزرايل ۇكىمەتى 12 جاستان 15 جاسقا دەيىنگى بالالاردى ۆاكسينالاۋ ناۋقانىن باستادى، بۇل مەكتەپ وقۋشىلارى اراسىنداعى اۋرۋدىڭ كۇرت وسۋىنە بايلانىستى.
REUTERS اگەنتتىگىنىڭ مالىمەتىنشە، يزرايلدە سارسەنبىدە كوروناۆيرۋستىڭ «دەلتا» شتامىن جۇقتىرۋى مۇمكىن نە بايلانىستا بولعان ادامداردىڭ بارلىعىن كارانتينگە جاتقىزۋ تۋرالى شەشىم شىعارىلدى. بۇل جاعدايدا ادام بۇرىن ۆاكتسينا سالدىرعان نەمەسە ۆيرۋس جۇقتىرىپ، كەيىن ايىققان بولسا دا، يممۋنيتەتى بار بولسا دا كارانتينگە جاتقىزىلادى.
سونىمەن قاتار، يزرايلدىڭ دەنساۋلىق ساقتاۋ مينيسترلىگى كارانتيندى بۇزعان بالالاردىڭ اتا-انالارىنا 5000 شەكەل (1540 ا ق ش دوللارى) ايىپپۇل سالىناتىنىن مالىمدەدى.
ايتا كەتەيىك، يزرايلدىڭ 9,3 ميلليون حالقىنىڭ شامامەن 55 پايىزى Pfizer- Biotech ۆاكسيناسىنىڭ ەكى دوزاسىن العان. بۇل اۋرۋدىڭ كۇرت تومەندەۋىنە، كوپتەگەن ەكونوميكالىق شەكتەۋدىڭ جويىلۋىنا اكەلدى.
