13:46, 28 - ماۋسىم 2021 | GMT +5
وسكەمەن تۇرعىنى بالكوننان ديۆان لاقتىرىپ جىبەردى - ۆيدەو
نۇر-سۇلتان. قازاقپارات - وسكەمەن تۇرعىنى توعىزىنشى قاباتتاعى بالكونىنان ديۆان لاقتىرىپ جىبەردى، دەپ حابارلايدى قازاقپارات altaynews.kz-قا سىلتەمە جاساپ.
وقيعا كەشە گاگارين بۋلۆارىندا ورنالاسقان 36-شى ۇيدە بولدى. ەر ادام توعىز قاباتتى ءۇيدىڭ بالكونىنان اۋەلى ديۆانىن، ودان كەيىن قالعان قوقىستى لاقتىرعان. كۋاگەرلەر وقيعانى ۆيدەوعا جازىپ الىپ، الەۋمەتتىك جەلىدە تاراتقان. بۇل جاعداي ءتارتىپ ساقشىلارىنىڭ نازارىنان تىس قالعان جوق. «اتالعان فاكتى بويىنشا قالانىڭ 40 جاستاعى تۇرعىنى انىقتالىپ، وعان قاتىستى ق ر اكىمشىلىك قۇقىقبۇزشىلىقتار تۋرال كودەكسىنىڭ 434-بابىمەن (ۇساق بۇزاقىلىق) اكىمشىلىك قۇقىقبۇزۋشىلىقتار تۋرالى حاتتاما تولتىرىلدى»، - دەدى وسكەمەن قالالىق پوليتسيا باسقارماسىنان.
اۆتور: زارينا تۋعانبايەۆا
