قازاقستاندا ۆاكسينا قاۋىپتى اۋرۋدى قوزدىراتىنى تۋرالى فەيك تاراپ جاتىر
حابارلاما اۆتورىنىڭ ايتۋىنشا، قورىتىندى ۆەدومستۆونىڭ رەسمي سايتىندا ەسەپتە جاريالانعان. شىن مانىندە قۇجاتتا مۇنداي ەشتەڭە ايتىلماعان، Stopfake.kz باسىلىمى.
ا ق ش- تاعى رەسمي مالىمەتتەرگە سايكەس، 177 ميلليوننان اسا ادام COVID-19-عا قارسى ۆاكسينانىڭ كەم دەگەندە ءبىر دوزاسىن الدى. وسى جىلدىڭ 21 ساۋىرىندەگى جاعداي بويىنشا ۆاكسينانىڭ بولجامدى جاناما اسەرلەرى تۋرالى ءوز بەتىنشە حابارلاۋعا مۇمكىندىك بەرەتىن VAERS جۇيەسىنە ميوكارديتكە نەمەسە پەريكارديتكە بايلانىستى 616 ءوتىنىش كەلىپ تۇسكەن. ولاردىڭ 393 ى تەكسەرۋ قورىتىندىسى بويىنشا شىنايى جانە قانداي دا ءبىر تۇردە ۆاكسينا الۋمەن بايلانىستى بولىپ شىقتى. بۇل كورسەتكىشتەر ۆاكسينا سالدىرعان ادامدار اراسىندا ميوكارديت پەن پەريكارديتتىڭ دامۋى سيرەك كەزدەسەتىن قۇبىلىس ەكەنىن جانە ەكپە سالدىرعانداردىڭ شامامەن 0,2 پايىزىندا داميتىنىن كورسەتەدى.
الايدا ماماندار ميوكارديت پەن پەريكارديتتىڭ دامۋ جاعدايلارىن زەرتتەۋدە. قازاقستاندىقتار Telegram-دا تالقىلاپ جاتقان قۇجات وسى پروبلەماعا ارنالعان جانە ا ق ش-تىڭ يممۋنداۋ پراكتيكاسى جونىندەگى كونسۋلتاتيۆتىك كوميتەتىنىڭ ماماندارىمەن ازىرلەنگەن.
قۇجاتتاعى كەستەلەر مەن ستاتيستيكالىق مالىمەتتەر ۆاكسينا سالدىرعان جانە ۆاكسينا الماعان ادامدار اراسىندا ميوكارديت پەن پەريكارديتتىڭ دامۋ جاعدايلارى سالىستىرىلمايدى. ۆاكسيناتسيا كەزىندە ميوكارديتتىڭ دامۋ قاۋپى 200 پايىزعا وسەتىنى تۋرالى دەرەكتەر ەسەپتە جوق.
كەستەلەر مەن گرافيكتەردە VAERS جۇيەسىنىڭ دەرەكتەرى پايدالانىلعان، ال ەسەپ اۆتورلارى ۆاكسينالاۋ مەن اۋرۋدىڭ اراسىندا سەبەپ- سالدار بايلانىس بولماۋى مۇمكىن ەكەنىن ايتادى.
گرافيكتەردە ۆاكسينانىڭ ءبىرىنشى جانە ەكىنشى دوزاسىن العاننان كەيىنگى وتىنىشتەر سانىن، ەرلەر مەن ايەلدەردە جاعىمسىز رەاكسيالاردىڭ دامۋ جيىلىگىن جانە ۆاكسينا سالدىرعان ادامدار اراسىندا ميوكارديتتىڭ پايدا بولۋ تابيعاتى مەن سەبەپتەرى تۋرالى قورىتىندى جاساۋعا مۇمكىندىك بەرەتىن باسقا دەرەكتەر ۇسىنىلعان.
قورىتىندىدا الىنعان ناتيجەلەر كلينيكالىق زەرتتەۋ مالىمەتتەرىنە سايكەس كەلەدى دەلىنگەن. ميوكارديت جاس ەرلەر مەن جاسوسپىرىمدەردە ۆاكسينانىڭ ەكىنشى دوزاسىن العاننان كەيىن ءجيى داميدى. سيمپتومدار ۆاكسينالاۋدان كەيىنگى العاشقى ءتورت كۇندە پايدا بولادى.
سونداي-اق، ەسەپتە ميوكارديتتىڭ دامۋى تۋرالى حابارلاعان ادامداردىڭ باسىم بولىگى ايىعىپ شىققانى ايتىلعان. كەيبىرەۋلەرى دارىگەرلەردىڭ باقىلاۋىندا. ءولىم-ءجىتىم تىركەلمەگەن.
ميوكارديتتىڭ دامۋى سيرەك كەزدەسەتىندىكتەن، CDC ءالى دە 12 جاستان اسقان بارلىق ادامدارعا COVID-19-عا قارسى ۆاكسينا الۋعا كەڭەس بەرەدى.
تاراپ جاتقان ەسەپ ۆاكسينا سالدىرعان ادامداردا ميوكارديت پەن پەريكارديتتىڭ دامۋ قاۋپى ۆاكسينانى الماعاندارعا قاراعاندا 200 ەسە جوعارى ەكەنىن دالەلدەمەيدى. قۇجاتتا مۇنداي ستاتيستيكا جوق.
