جانىبەك ءالىمحان ۇلى بوكسشىلاردىڭ الەمدىك رەيتيگىندە ۇزدىك وندىققا ەندى

نۇر- سۇلتان. قازاقپارات - vRINGe.com سايتى https://vringe.com/ratings/#weight1011 بارلىق سالماق ساناتىنداعى الەم بوكسشىلارىنىڭ رەيتينگىسىن جاڭارتتى، دەپ حابارلايدى قازاقپارات Sports.kz سايتىنا سىلتەمە جاساپ.

كەشە WBA بۇرىنعى الەم چەميپونىن امەريكالىق روب برانتتى تەحنيكالىق نوكاۋتپەن جەڭگەن ورتا سالماقتاعى قازاقستاندىق جانىبەك ءالىمحان ۇلى توپ-10 عا ەنىپ، رەيتينگىدە جەتىنشى ورىنعا جايعاستى.

برانت ءوز كەزەگىندە ۇزدىك وندىقتان شىعىپ قالدى. امەريكالىق بوكسشى بۇعان دەيىن ول توعىزىنشى ورىندا تۇرعان ەدى. باسىلىم رەيتينگىسىندە قازاقستاننىڭ كەلەسى ءبىر وكىلى IBF جانە IBO الەم چەمپيونى گەننادي گولوۆكين كوش باستاپ تۇر.

سونىمەن توپ-10 تولىق ءتىزىمى:

1. گەننادي گولوۆكين (قازاقستان)

2. دجەرمالل چارلو (ا ق ش)

3. دەمەتريۋس اندرادە (ا ق ش)

4. حايمە مۋنگيا (مەكسيكا)

5. ەريسلاندي لارا (كۋبا)

6. كىشى كريس يۋبەنك ( ۇلى بريتانيا)

7. جانىبەك ءالىمحان ۇلى (قازاقستان)

8. سەرگەي دەريەۆيانچەنكو (ۋكراينا)

9. ماتسەي سۋلەتسكي (پولشا)

10. فەليكس كەش ( ۇلى بريتانيا)