«سپۋتنيك ۆ» ۆاكسيناسىن جۇكتى ايەلدەرگە قولدانۋ نۇسقاۋلىعى جاريالاندى
پرەپاراتقا ارنالعان جاڭارتىلعان نۇسقاۋلىقتا وسىلاي دەلىنگەن، دەپ حابارلايدى قازاقپارات ت ا س س-قا سىلتەمە جاساپ.
«جۇكتىلىك كەزىندە «گام- كوۆيد- ۆاك» پرەپاراتىن كلينيكالىق قولدانۋدىڭ تاجىريبەسى جوق. جانۋارلاردا رەپرودۋكتيۆتىك ۋىتتىلىقتى زەرتتەۋ بارىسىندا جۇكتىلىكتىڭ وتۋىنە، ەمبريوفەتالدىق دامۋىنا (انالىقتاردا) جانە ۇرىقتىڭ پرەناتالدىق دامۋىنا تەرىس اسەرى انىقتالعان جوق. وسىعان بايلانىستى جۇكتىلىك كەزىندە «گام- كوۆيد- ۆاك» پرەپاراتىن كۇتىلەتىن پايدا ىقتيمال قاۋىپتەن جوعارى بولعان جاعدايدا عانا قولدانۋ كەرەك»، - دەلىنگەن قۇجاتتا.
الايدا، ەمىزۋ كەزىندە «سپۋتنيك V» ەكپەسىن سالدىرۋعا بولمايتىنى ايتىلعان. رەسەي فەدەراتسياسىنىڭ دەنساۋلىق ساقتاۋ ءمينيسترى ميحايل مۋراشكونىڭ سوزىنشە، ۆاكسينانىڭ قاۋىپسىزدىگىن كلينيكاعا دەيىنگى زەرتتەۋلەردىڭ وڭ ناتيجەلەرىن، سونداي-اق تىركەۋدەن كەيىنگى زەرتتەۋلەر كەزىندە پرەپاراتتىڭ تيىمدىلىگى مەن قاۋىپسىزدىگى تۋرالى دەرەكتەردى ەسكەرە وتىرىپ، ساراپشىلار جۇكتى ايەلدەرگە «گام- كوۆيد- ۆاك» ۆاكسيناسىن قولدانۋعا قارسى كورسەتكىشتەردى الىپ تاستاۋ تۋرالى شەشىم قابىلداعان.
مينيستر: «وسىلايشا كوروناۆيرۋس ينفەكسياسىنىڭ اۋىر اعىمىنىڭ قاۋپى جوعارى جۇكتى ايەلدەردى ۆاكسينالاۋ مۇمكىندىگى اشىلدى»، - دەدى.
اۆتور: گۇلزات اقجولوۆا
