دومبىرا كۇنى: كۇي تارتۋدان بەينە بايقاۋ جاريالاندى
اتالعان سايىستى وتانداستار قورى ۇيىمداستىرىپ وتىر جانە ونىڭ شارتتارى قوردىڭ Facebook پاراقشاسىندا جاريالاندى. سونىمەن، كۇي تارتۋدان باعىن سىنايتىندارعا قويىلاتىن تالاپتار مىناداي: بەينەنى گوريزونتال ءتۇسىرۋ كەرەك، ۇمىتكەر قازاقتىڭ ۇلتتىق كيىمى نەمەسە اشىق ءتۇستى كيىممەن بولۋى ءتيىس، قاتىسۋشى قىسقاشا ءوزىنىڭ قاي جەردەن ەكەنىن، وعان قوسا اتى ءجونىن ايتىپ ءوتۋى قاجەت.
سىنعا ءتۇسۋشى ورىندايتىن كۇيدى (بڭرەۋىەن عانا) ءوزى تاڭدايدى جانە ونى تارتۋعا 30-60 سەكۋند (1 مينۋتتان اسپاۋى ءتيىس) قانا ۋاقىت بەرىلەدى. بەينە بايقاۋ جۇمىستارىن قابىلداۋ 2021 -جىلعى 27-ماۋسىمدا اياقتالادى. قاتىسۋشى اتى-ءجونى مەن قاي جەردەن ەكەنىن جازۋدى ۇمىتپاعان ءجون.
بايقاۋ ماتەريالدارىن ana.chak@mail.ru ەلەكتروندى پوشتاسىنا جىبەرۋ كەرەك.
ەسكە سالساق، جىل سايىن شىلدەنىڭ العاشقى جەكسەنبىسىنە ءدوپ كەلەتىن، ۇلتتىق اسپابىمىزدى ۇلىقتاۋعا ارنالعان بۇل مەرەكە ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ جارلىعىمەن 2018 -جىلدان بەرى ەلىمىزدە كەڭىنەن اتالىپ وتەدى.
