ۆولەيبولدان جۋرناليستەر اراسىنداعى تۋرنيردە قازاقپارات كومانداسى جەڭىسكە جەتتى - فوتو
BAQ liga-نىڭ فينالى بۇگىن ەلوردادا ءوتتى. وندا «حابار» اگەنتتىگى مەن «قازاقپارات» حالىقارالىق اقپارات اگەنتتىگىنىڭ كومانداسى ءوزارا مىقتىنى انىقتادى.
«حابار» مەن «قازاقپارات» اراسىنداعى فينال وتە تارتىستى ءوتتى جانە 3 پارتياعا سوزىلدى. ونىڭ ءبىرىنشى پارتياسىندا «حابار» كومانداسى جەڭىسكە جەتسە، ەكىنشىسىندە «قازاقپارات» ۇجىمى باسىم ءتۇستى. شەشۋشى - ءۇشىنشى پارتيادا «قازاقپاراتتىقتار» 15:12 ەسەبىمەن جەڭىسكە جەتتى.
«حابار» كومانداسى ەكىنشى ورىن السا، ءۇشىنشى ورىن «Qazaq radiolary» ۇجىمىنا بۇيىردى. ولار قولا جۇلدە ءۇشىن تارىستا «Qazaqstan TV» كومانداسىنان ەكى پارتيادا باسىم ءتۇستى.
ەسكە سالايىق، جۋرناليستەر اراسىندا ۆولەيبولدان نۇرتىلەۋ يمانعالي ۇلىن ەسكە الۋعا ارنالعان تۋرنير 15 ماۋسىمدا باستالعان بولاتىن. BAQ liga-نى «Qazaqstan» ر ت ر ك، ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى جانە قازاقستان ۆولەيبول فەدەراتسياسى ۇيىمداستىردى.
تۋرنيردە بارلىعى 8 كوماندا: «قازاقپارات اگەنتتىگى»، «2-باپ. سەنزۋرا»، «7 ارنا»، «Atameken business channel»، «Qazaqstan TV»، «Qazaq radiolary»، «قازمەديا ورتالىعى» جانە «حابار اگەنتتىگى» ۇجىمدارى سايىسقا ءتۇستى.
BAQ liga 2016 -جىلدان بەرى وتكىزىلىپ كەلەدى. ماقساتى - قازاقستاننىڭ ب ا ق وكىلدەرىن بىرىكتىرىپ، رەداكسيالار اراسىنداعى ارىپتەستىك تاتۋلىقتى ارتتىرۋ. بۇگىنگە دەيىن BAQ liga قازاقستاننىڭ اقپارات قۇرالدارى اراسىندا فۋتبول دودالارىن وتكىزىپ كەلدى.
شاعىن فۋتبولدان 8-ماۋسىم ءوتىپ، وعان ەلىمىزدىڭ 40-قا جۋىق رەداكسياسىنان 500-گە تارتا جۋرناليست قاتىستى. ەندى BAQ liga فۋتبولدان بولەك، ۆولەيبول چەمپيوناتتارىن دا قولعا الىپ، تۇراقتى تۇردە ۇيىمداستىرۋدى جوسپارلايدى.
