09:00, 26 - ماۋسىم 2021 | GMT +5
قازاقستاندا كوروناۆيرۋسقا قارسى تولىق ۆاكسينالانعاندار سانى بەلگىلى بولدى
نۇر-سۇلتان. قازاقپارات - قازاقستاندا كوروناۆيرۋسقا قارسى ۆاكسينانىڭ تولىق دوزاسىن 1,8 ميلليون ادام الدى.
بۇل تۋرالى دەنساۋلىق ساقتاۋ مينيسترلىگىنەن ءمالىم ەتتى، دەپ حابارلايدى قازاقپارات.
2021 -جىلعى 26-ماۋسىمداعى مالىمەت بويىنشا، ەلىمىزدە I كومپونەنتپەن 3081548 ادام ۆاكسينا سالدىردى، II كومپونەنتپەن 1869481 ادام ەگىلدى. كوروناۆيرۋس ۆاكسيناسىنىڭ تولىق دوزاسىن العان وڭىرلەر اراسىندا الماتى قالاسى كوش باستاپ تۇر - 283318 ادام.
ودان كەيىنگى ورىنداردا الماتى وبلىسى (195 334)، تۇركىستان وبلىسى (168 351)، شىمكەنت قالاسى (146201)، قاراعاندى وبلىسى (145001) جانە نۇر-سۇلتان قالاسى (142781) تۇر.
قالعان وڭىرلەردەگى كورسەتكىش 100 مىڭ ادامعا جەتپەيدى.
