جانىبەك ءالىمحان ۇلىنىڭ پروموۋتەرى مالىمدەمە جاسادى
بۇل تۋرالى جەكپە-جەك الدىندا وتكەن باسپا ءسوز ءماسليحاتى كەزىندە Top Rank باسشىسى بوب ارۋم مالىمدەدى، دەپ حابارلايدى Vesti.kz.
امەريكالىق روب برانتتى (26-2، 18 ك و) جەڭگەن جاعدايدا جانىبەكتى جىل سوڭىنا دەيىن مەكسيكالىق حايمە مۋنگيامەن (37-0، 30 ك و) جەكپە-جەككە شىعارۋ جوسپارلانىپ وتىر.
«بۇل تاماشا ايقاس. ءبىزدىڭ جوسپار بويىنشا، وسى كەزدەسۋ جەڭىمپازى جىل سوڭىنا دەيىن مۋنگيامەن جۇدىرىقتاسادى. سونىمەن قوسا، بۇل ورتا سالماقتا WBO تيتۋلىنا ەليميناتور (مىندەتتى قارسىلاستى انىقتايتىن جەكپە-جەك) بولادى دەپ ۇمىتتەنەمىن. وسى كەزدەسۋ جەڭىمپازى ورتا ديۆيزيونداعى چەمپيوندىق ايقاسقا شىققانىن قالايمىز»، - دەيدى ارۋم.
ەسكە سالايىق، ءالىمحان ۇلى-برانت ايقاسى قازاقستان ۋاقىتىمەن 27-ماۋسىم لاس-ۆەگاستا (ا ق ش، نيەۆادا شتاتى) وتەدى.
ۋكراينالىق ۆاسيلي لوماچەنكو (14-2، 10 ك و) مەن جاپونيالىق ماساەشي ناكاتاني (19-1، 13 ك و) كاردىندا وتەتىن جەكپە-جەك قازاقستاندا تىكەلەي كورسەتىلەدى.
