قازاقستاننان تاعى ەكى تەننيسشى توكيو وليمپياداسىنا جولداما الدى

نۇر-سۇلتان. قازاقپارات - قازاقستاننان تاعى ەكى تەننيسشى اندرەي گولۋبيەۆ پەن ميحايل كۋكۋشكين توكيو وليمپياداسىنا جولداما الدى.

بۇل تۋرالى قازاقستان تەننيس فەدەراتسياسى ءمالىم ەتتى، دەپ حابارلايدى قازاقپارات ءتىلشىسى.

حالىقارالىق تەننيس فەدەراتسياسى وسى قوس تەننيسشىنىڭ وليمپياداعا قاتىساتىنىن رەسمي تۇردە مالىمدەدى.

ەسكە سالا كەتەيىك، بۇدان بۇرىن قازاقستاننان وليمپياداعا قاتىساتىن تەننيسشىلەر انىقتالعانىن جازعان بولاتىنبىز.

بۇل الەكساندر بۋبليك، ەلەنا رىباكينا، يۋليا پۋتينتسيەۆا ءۇشىن العاشقى وليمپيادا بولسا، ياروسلاۆا شۆەدوۆا ءۇشىنشى رەت بارماقشى.

وسىلايشا توكيوعا التى بىردەي تەننيسشىمىز اتتانعالى وتىر. بۇدان بۇرىنعى وليمپيادالاردا قازاقستاندىق تەننيسشىلەر ءتورت جولدامادان ارتىق يەلەنىپ كورگەن جوق ەدى. تەننيسشىلەردىڭ جەكەلەي نە جۇپتىق سىندا ونەر كورسەتەتىنى ءدۇبىرلى دودا جاقىنداعاندا شەشىلەدى.