پرەزيدەنتتىڭ ب ا ق سالاسىنداعى سىيلىقتارى مەن گرانتتارى تاپسىرىلدى - فوتو
«قازمەديا ورتالىعىندا» قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى مەن گرانتتارىن تابىستاۋ ءراسىمى ءوتتى. سالتاناتتى ءىس- شارا بارىسىندا پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ مەملەكەت باسشىسى قاسىم- جومارت توقايەۆتىڭ ب ا ق قىزمەتكەرلەرىنىڭ كاسىبي مەرەكەسىنە ارنالعان قۇتتىقتاۋىن وقىدى.
- سىزدەر قاشاندا ۇلت مۇددەسىن بارىنەن بيىك قويىپ، ەل قامى ءۇشىن قالام تارتىپ جۇرسىزدەر. مەملەكەتشىلدىك قۇندىلىقتى دارىپتەپ، جاسامپازدىق پەن جاقسىلىقتىڭ جارشىسى بولىپ كەلەسىزدەر. اقپارات سالاسىن دامىتۋعا مەملەكەت تاراپىنان قاشاندا ەرەكشە كوڭىل بولىنەدى. ءوز كاسىبىنىڭ مايتالمانى بولعان قارىمدى جۋرناليستەرگە قولداۋ كورسەتىلەدى.
ب ا ق سالاسىنداعى ءداستۇرلى پرەزيدەنت سىيلىعى - سونىڭ ءبىر كورىنىسى. ونىڭ يەگەرى اتانعان ازاماتتاردىڭ ەسىمى قازاق جۋرناليستيكاسىنىڭ جىلناماسىنا جازىلاتىنى ءسوزسىز. جىل سايىن ەڭ تاڭداۋلى جۋرناليستەرگە بەرىلەتىن ماراپات وسىمەن جيىرما بەسىنشى رەت تابىستالىپ وتىر. بۇل سىيلىققا قاستەرلى تاۋەلسىزدىگىمىزدىڭ 30 جىلدىعى قارساڭىندا يە بولۋدىڭ دا سيمۆولدىق ءمانى بار، - دەلىنگەن پرەزيدەنتتىڭ قۇتتىقتاۋىندا.
سودان كەيىن داۋرەن ابايەۆ پرەزيدەنت سىيلىعى مەن گرانتىنىڭ يەگەرلەرىن، العىسىن العان شىعارماشىلىق ۇجىمداردى قۇتتىقتادى. مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ سىيلىعى ««حابار 24» تەلەارناسىنىڭ جاڭالىقتار ءبولىمىنىڭ جۇرگىزۋشىسى زاحارچۋك ۆەرا نيكولايەۆناعا، «Qmonitor.kz» جەلىلىك باسىلىمىنىڭ شولۋشىسى يسابايەۆا ساۋلە بوريس قىزىنا، «قازاق» جانە «شالقار» راديولارىنىڭ الماتى ستۋدياسىنىڭ جەتەكشىسى قۇتپانبايەۆ باقىت جاعىپار ۇلىنا، «قازاقستان تەمىر جولى» ۇلتتىق كومپانياسى» اكسيونەرلىك قوعامىنىڭ ب ا ق- پەن جۇمىس دەپارتامەنتىنىڭ باس مەنەدجەرى ويشىبايەۆا جاننات باقتىعۇل قىزىنا بەرىلدى. پرەزيدەنت گرانتتارىن «AIQYN» رەسپۋبليكالىق قوعامدىق- ساياسي گازەتىنىڭ باس رەداكتورى بايعارايەۆ نۇرمۇحامەد يسمان ۇلى، «ك ت ك» تەلەارناسىنىڭ اقپاراتتىق باعدارلامالار ديرەكسياسى ورتالىق رەداكسياسىنىڭ رەداكتورى نۇراقىن دياس ەرمەك ۇلى، «QAZAQSTAN» ۇلتتىق تەلەارناسى «اشىق الاڭ» قوعامدىق- ساياسي توك- شوۋىنىڭ جۇرگىزۋشىسى تولىقبايەۆ ماقسات مالىك ۇلى، «مۇنارا» گازەتىنىڭ باس رەداكتورى حاسانوۆ سەرىكبول تىلەپبەرگەن ۇلى يەلەندى.
قازاقستان رەسپۋبليكاسى پرەزيدەنتىنىڭ العىسى «اقيقات» ۇلتتىق قوعامدىق-ساياسي جۋرنالىنىڭ، «ۆەچەرنيي الماتى» گازەتىنىڭ، «قازاق راديولارى» جاۋاپكەرشىلىگى شەكتەۋلى سەرىكتەستىگىنىڭ، «سارىارقا» تەلەارناسىنىڭ شىعارماشىلىق ۇجىمدارىنا تابىستالدى.
مەملەكەت باسشىسىنىڭ العىس حاتتارى ەلىمىزدىڭ بارلىق وڭىرىنە جىبەرىلدى. اتالعان ماراپاتتار ءار ايماقتان ۇزدىك دەپ تانىلعان جۋرناليستەرگە سالتاناتتى تۇردە تابىس ەتىلەدى.
