ەلوردالىق جۇرگىزۋشى كولىگىنە ءنومىردى جاسىراتىن قۇرىلعى ورناتىپ العان
نۇر-سۇلتان قالالىق پوليتسيا دەپارتامەنتىنىڭ مالىمەتىنشە، ىشكى ىستەر ورگانى قىزمەتكەرلەرى كولىكتى قاراۋ بارىسىندا مەملەكەتتىك تىركەۋ ءنومىرىن جاسىرۋعا مۇمكىندىك بەرەتىن ارناۋلى جيەكتەمەنىڭ بار ەكەندىگىن انىقتادى.
24 جاستاعى جۇرگىزۋشى ورناتىپ العان جيەكتەمە مەملەكەتتىك ءنومىردىڭ سيفر جانە ءارىپ بەلگىلەرىن كولەگەيلەۋگە مۇمكىندىك بەرەدى.
«جۇرگىزۋشىگە مەملەكەتتىك تىركەۋ ءنومىرى بەلگىلەرىن انىقتاۋعا كەدەرگى كەلتىرەتىن ارناۋلى قۇرىلعىنى قولدانۋ ارقىلى كولىك قۇرالىن باسقارعانى ءۇشىن ق ر اكىمشىلىك قۇقىق بۇزۋشىلىق تۋرالى كودەكستىڭ 590-بابى 4-تارماعىمەن اكىمشىلىك حاتتاما تولتىرىلدى. جۇرگىزۋشى سوت شەشىمىمەن 20 ا ە ك مولشەرىندە ايىپپۇل تولەۋى نەمەسە 1 جىلعا كولىك قۇرالىن جۇرگىزۋ قۇقىعىنان ايىرىلۋى مۇمكىن. ارناۋلى جيەكتەمە تاركىلەنىپ، قۇقىق بۇزۋشىنىڭ كولىگى كوممۋنالدىق اۆتوتۇراققا قويىلدى»، - دەپ اتاپ وتەدى ۆەدومستۆودان.
