«قازاقپارات» ح ا ا باس رەداكتورى پرەزيدەنتتىڭ العىس حاتىمەن ماراپاتتالدى

نۇر-سۇلتان. قازاقپارات - «قازاقپارات» ح ا ا» ا ق باسقارما ءتوراعاسىنىڭ ورىنباسارى - باس رەداكتور بيبينور تانەلبايەۆا ق ر پرەزيدەنتى قاسىم-جومارت توقايەۆتىڭ العىس حاتىمەن ماراپاتتالدى، دەپ حابارلايدى قازاقپارات.

«قازاقپارات» ح ا ا باس رەداكتورى بيبينور تانەلبايەۆا بۇقارالىق اقپارات قۇرالدارى سالاسىنىڭ دامۋىنا قوسقان ەلەۋلى ۇلەسى ءۇشىن ماراپاتتالادى»، - دەلىنگەن مەملەكەت باسشىسىنىڭ العىس حاتىندا.

اتاپ وتەيىك، بۇگىن قازاقستان پرەزيدەنتى قاسىم-جومارت توقايەۆ ب ا ق قىزمەتكەرلەرىن كاسىبي مەرەكەمەن قۇتتىقتادى.

«قۇرمەتتى جۋرناليستەر، بۇقارالىق اقپارات قۇرالدارىنىڭ قىزمەتكەرلەرى! بارشاڭىزدى كاسىبي مەرەكەلەرىڭىزبەن شىن جۇرەكتەن قۇتتىقتايمىن! اقپارات سالاسى - قوعامدىق پىكىر قالىپتاستىراتىن ماڭىزدى سالا. «حالىقتىڭ كوزى، قۇلاعى ءھام ءتىلى» رەتىندە ەلگە ادال قىزمەت ەتۋ - ءار جۋرناليستىڭ ابىرويلى مىندەتى. سىزدەر قاشاندا ۇلت مۇددەسىن بارىنەن بيىك قويىپ، ەل قامى ءۇشىن قالام تارتىپ جۇرسىزدەر. مەملەكەتشىلدىك قۇندىلىقتى دارىپتەپ، جاسامپازدىق پەن جاقسىلىقتىڭ جارشىسى بولىپ كەلەسىزدەر»، - دەپ اتاپ ءوتتى مەملەكەت باسشىسى ءوز قۇتتىقتاۋىندا.

ەسكە سالا كەتسەك، كەشە «URKER-2021» ۇلتتىق سىيلىعىنىڭ جەڭىمپازدارى بەلگىلى بولدى. «قازاقپارات» حالىقارالىق اقپارات اگەنتتىگى «ۇزدىك جاڭالىقتار پورتالى» نوميناتسياسىندا جەڭىمپاز اتاندى.

اۆتور: زارينا تۋعانبايەۆا