دۇنيەجۇزىلىك دەنساۋلىق ۇيىمى: كوروناۆيرۋستىڭ ءۇندى نۇسقاسى جىلدام تارالادى
بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ اعا عىلىمي قىزمەتكەرى سۋميا سۆاميناتان ايتتى، دەپ حابارلايدى قازاقپارات cnbc سايتىنا سىلتەمە جاساپ.
«بۇل نۇسقا باسقالارىنا قاراعاندا تەز جۇعادى، سول سەبەپتى تەز تارالىپ وتىر»، دەپ ءمالىم ەتتى سۋميا سۆاميناتان د د س ۇ- نىڭ جەنەۆاداعى شتاب-پاتەرىندە وتكەن باسپا ءسوز ءماسليحاتىندا. زەرتتەۋلەر دەلتا نۇسقاسىنىڭ ۇلى بريتانيادا انىقتالعان الفا نۇسقاسىنا قاراعاندا %60 عا جۇقپالى ەكەنىن كورسەتتى. ال ول 2019 -جىلدىڭ اياعىندا قىتايلىق ۋحاندا پايدا بولعان ءبىرىنشى شتامعا قاراعاندا جۇقپالىراق بولعان، دەپ حابارالايدى قازاقپارات CNBC-گە سىلتەمە جاساپ.
سارسەنبى كۇنى د د س ۇ COVID-19-دىڭ كوروناۆيرۋس ينفەكسياسىنىڭ بۇل نۇسقاسى الەمنىڭ 80-نەن استام ەلىنە تاراپ، مۋتاتسيالانىپ وتىرعانىن حابارلادى. اۋرۋلاردى الدىن الۋ جانە باقىلاۋ ورتالىعىنىڭ دەرەگىنشە، ول قازىرگى كەزدە ا ق ش-تا انىقتالىپ جاتقان جۇقتىرۋ وقيعالارىنىڭ %10- ىن قۇرايدى، وتكەن اپتادا بۇل كورسەتكىش %6 بولعان.
سۋميا سۆاميناتاننىڭ ايتۋىنشا، عالىمدارعا ۆيرۋستىڭ بۇل نۇسقاسى تۋرالى، سونىمەن قاتار وعان ۆاكسينالاردىڭ اسەر ەتۋى تۋرالى كوبىرەك دەرەك قاجەت. CureVac نەمىس كومپانياسى اپتا باسىندا ءوزىنىڭ كوروناۆيرۋسقا قارسى ۆاكسيناسىن كليناكالىق سىناقتان وتكىزگەن. 40000 ادام قاتىسقان سىناق ناتيجەسىندە ۆاكسينا %47 عانا تيىمدىلىك كورسەتتى.
ونىڭ سەبەبىن كومپانيا جاڭا شتامداردىڭ پايدا بولۋى دەپ سانايدى. انگليانىڭ قوعامدىق دەنساۋلىق ساقتاۋ قىزمەتى دۇيسەنبى كۇنى جاريالاعان تالداۋ ناتيجەلەرىنە سايكەس، Pfizer- BioNTech نەمەسە AstraZeneca ۆاكسينالارىنىڭ ەكى دوزاسى دەلتا شتامىنا قارسى جوعارى تيىمدىلىگىن كورسەتكەن.
ەسكە سالساق، ەلوردادا كوروناۆيرۋستىڭ ءۇندى شتامى انىقتالدى جانە الماتىدا كوروناۆيرۋستىڭ ءۇندى شتامىن جۇقتىرعاندار سانى كۇرت ءوستى.
اۆتور: ءبيبىحان سەرىكوۆا
