ۋەفا سىرت الاڭداعى گول ەرەجەسىن الىپ تاستادى

نۇر-سۇلتان.قازاقپارات - ۋەفا بارلىق ەۋروپا كۋبوگى تۋرنيرلەرىندەگى سىرت الاڭداعى گول ارتىقشىلىعى ەرەجەسىن الىپ تاستادى. بۇل تۋرالى ۋەفا- نىڭ رەسمي سايتىندا جاريالاندى.

وزگەرىس 2021/22 ۋەفا كلۋبتىق جارىستارىنىڭ ىرىكتەۋ كەزەڭىنەن باستاپ كۇشىنە ەنەدى. شەشىم ەرلەر، ايەلدەر جانە جاستار دەڭگەيىندەگى كلۋبتىق تۋرنيرلەرگە قاتىستى.

ەۋروپا كلۋبتار اراسىنداعى جارىس ءۇشىن سىرت الاڭدا گول سوعۋ ەرەجەسى 1965 -جىلدان باستاپ كۇشىنە ەندى. سىرت الاڭدا ەڭ كوپ گول سوققان كوماندا ارتىقشىلىقتى گول سانى تەڭەسكەن كەزدە الدى. وسى ەرەجە جويىلعاننان سوڭ ەكى ماتچتان كەيىن گول ايىرماشىلىعى بىردەي بولعان كوماندالار 15 مينۋتتان ەكى تايم وينايدى. قوسىمشا ۋاقىتتا تەڭ تۇسكەن جاعدايدا جەڭىمپاز پەنالتي سەرياسىندا شەشىلەدى.

سىرت الاڭداعى گولدىڭ كريتەريى كوماندالاردىڭ ءبىرىن- ءبىرى سالىستىرۋ كەزىندە ءتۋرنيردىڭ توپتىق كەزەڭىندە بىردەي ۇپاي جيناعان كەزدە دە ەسەپكە الىنبايدى. ءبىراق بۇل كريتەري (سىرت الاڭداعى گول سانى) توپتىق كەزەڭدەگى بارلىق ماتچتاردىڭ قورىتىندىسى بويىنشا كوماندالاردىڭ كورسەتكىشتەرى تەڭ بولعان جاعدايدا قوسىمشا ولشەمدەر قاتارىندا قالادى.

massaget.kz