اتىراۋدا جايىق وزەنىنىڭ جاعالاۋى جانىپ جاتىر - ۆيدەو

اتىراۋ. قازاقپارات - اتىراۋ قالاسىندا تاعى دا جايىق وزەنىنىڭ جاعالاۋى جانىپ جاتىر، دەپ حابارلايدى قازاقپارات.

وبلىستىق توتەنشە جاعدايلارلار دەپارتامەنتىنىڭ باسپا ءسوز قىزمەتى بۇل دەرەكتى راستادى. جايىق جاعالاۋى ماۋسىم ايى باستالعالى بەرى 4 مارتە ورتەندى. دەپارتامەنتتىڭ ديسپەتچەرلىك پۋلتىنە بۇگىن، 24-ماۋسىمدا جەرگىلىكتى ۋاقىتپەن ساعات 11:14-تە جايىق وزەنىنىڭ جاعالاۋى ورتەنگەنى تۋرالى حابار تۇسكەن.

«جايىق وزەنىنىڭ «تۇرعىن ءۇي قالاشىعى» شاعىناۋدانىنداعى جاعالاۋىندا قۇرعاق بۇتالار مەن قامىس قوپاسى ورتەنگەن. قازىر ءورت سوندىرۋشىلەر جالىندى ءسوندىرىپ جاتىر»، - دەپ حابارلادى دەپارتامەنتتىڭ باسپا ءسوز قىزمەتى.

ەسكە سالا كەتەلىك، بۇدان بۇرىن اتىراۋدا جايىق وزەنىنىڭ جاعالاۋى ورتەنگەن بولاتىن.

اۆتور: بەك مۇستافا