شىمكەنتتىڭ ءار ەكىنشى تۇرعىنى - تاۋەلسىزدىك تۋماسى
«شىمكەنت قالاسىنىڭ حالىق سانى توقسانىنشى جىلدارى 400 مىڭ بولسا، قازىر 1 ميلليون ادامنان استى. شىمكەنتتىڭ ءار ەكىنشى تۇرعىنى - تاۋەلسىزدىك تۋماسى. 30 جىل بۇرىن قالادا 69 مىڭ وقۋشىسى بار 72 مەكتەپ بولسا، قازىر 226 مىڭ بالا وقيتىن 186 مەكتەپ بار. قالا بيۋدجەتى 1991 -جىلى 1 ميلليارد تەڭگە بولاتىن. بۇگىن 480 ميلليارد تەڭگەدەن استى. ءومىر ءسۇرۋ ۇزاقتىعى 10 -جىلعا ءوستى. 1991 -جىلى ورتاشا جاس 63 بولاتىن. قازىر 71 جاستان استى»، - دەدى اكىم.
ونىڭ ايتۋىنشا، قالانىڭ اۋماعىمەن بىرگە ىشىندەگى جولداردىڭ ۇزىندىعى دا بىرنەشە ەسە ارتقان.
«وسىدان 30 جىل بۇرىن قالادا 832 شاقىرىم جول بولسا، بۇگىندە 4 ەسە ءوسىپ، 3331 شاقىرىمعا جەتتى. بۇل جەتىستىكتىڭ بارلىعى دا شىمكەنت قالاسى تۇرعىندارىنىڭ بىرلىگى مەن ىسكەرلىگىنىڭ ارقاسىندا بولىپ وتىر»، - دەدى مۇرات ايتەنوۆ.
اۆتور: ەسىمجان ناقتىباي
