قازاقستاندا شىعارىلعان اككۋمۋلياتورلار فرانسياعا ەكسپورتتالماق
بۇل تۋرالى ق ر ساۋدا جانە ينتەگراتسيا ءمينيسترى باقىت سۇلتانوۆ ءمالىم ەتتى، دەپ حابارلايدى قازاقپارات ءتىلشىسى.
«2019-جىلدان بەرى ءوندىرۋشى زاۋىتتان يمپورتتاۋشىعا دەيىن تاۋاردى جەتكىزۋ بويىنشا وڭدەلگەن ءونىم ەكسپورتتاۋشىلارىنىڭ شىعىندارىن وتەۋ تەتىگى ەنگىزىلدى. قولداۋدىڭ ارقاسىندا 300 گە تارتا كاسىپورىن وزدەرىنىڭ ءوتىمىن الىس ەلدەرگە جەتكىزە باستادى»، - دەدى ب. سۇلتانوۆ ونلاين رەجيمدە حالىق الدىندا ەسەپ بەرۋى كەزىندە.
ول سوزىنە ناقتى مىسالدار كەلتىردى.
«شىعىندى وتەۋ زىعىر مەن راپستى بەلگياعا جەتكىزۋگە، ال مەتاللۋرگيا ءونىمىن جاپونياعا جەتكىزۋگە كومەكتەستى. ءبىزدىڭ اككۋمۋلياتورلار ەندى يتاليادا ساتىلا باستادى، سونداي-اق بيىلدان باستاپ فرانسيا نارىعىنا وتكىزەمىز»، - دەدى مينيستر.
بۇدان بۇرىن حابارلانعانداي، باقىت سۇلتانوۆ ەكسپورتقا قاتىستى جاعدايدى ايتتى.
«كارانتين شەكتەۋلەرى مەن ءونىم جەتكىزۋدەگى كەمشىلىكتەر ازىق-تۇلىك ەمەس تاۋارلارعا سۇرانىستىڭ 20 پايىزعا جۋىق تومەندەۋىنە الىپ كەلدى. سونىمەن قاتار، لوكداۋندار اۋىل شارۋاشىلىعى تاۋارلارىنىڭ ساۋداسىنا ايتارلىقتاي اسەر ەتپەدى»، - دەدى مينيستر.
