ۇلتتىق قور جيناقتاۋدان تۇتىنۋ رەجيمىنە اۋىسىپ كەتۋىنە سەناتور الاڭداۋشىلىق ءبىلدىردى

نۇر-سۇلتان. قازاقپارات - ۇلتتىق قور جيناقتاۋ رەجيمىنەن تۇتىنۋ رەجيمىنە اۋىسىپ كەتتى.

بۇل تۋرالى بۇگىن ق ر پارلامەنتى پالاتالارىنىڭ بىرلەسكەن وتىرىسىندا سەنات دەپۋتاتى ولگا پەرەپەچينا ايتتى، دەپ حابارلايدى قازاقپارات ءتىلشىسى.

«ۇلتتىق قور جيناقتاۋ رەجيمىنەن تۇتىنۋ رەجيمىنە اۋىسىپ كەتتى. جانە دە بىزگە ورىن الىپ وتىرعان بەتالىسقا وتە تىڭعىلىقتى بولۋ قاجەت. رەسپۋبليكالىق بيۋدجەتتىڭ كىرىسىندە جىل سايىن ۇلتتىق قور ترانسفەرتتەرىنىڭ ۇلەسى ءوسىپ بارادى. 2020 -جىلى ول 40 پايىزدى قۇرادى. پاندەمياعا بايلانىستى احۋالدىڭ جاقساراتىندىعىنا ازىرشە سەنىم جوق. ال مەملەكەتتىك مىندەتتەمە كولەمى ءوسىپ كەلەدى. الەۋمەتتىك بلوك شىعىستار قازىردىڭ وزىندە بيۋدجەت كولەمىنىڭ 40 پايىزىنان اسىپ كەتتى»، - دەدى سەناتور.

ونىڭ اتاپ وتۋىنشە، داعدارىس كەزەڭىندە بۇل ءماجبۇرلى ءارى نەگىزى بار ءىس-شارا سانالادى. «ءبىراق، الەمدىك ەكونوميكانىڭ تۇبەگەيلى وزگەرۋى اياسىندا شيكىزاتتىڭ ەمەس كىرىستەردىڭ جاڭا كوزدەرىن ىزدەۋ جانە ەلىمىزدىڭ «قاۋىپسىزدىك جاستىعى» ءارى بولاشاق ۇرپاققا ارنالعان قاراجاتتى باسقارۋدىڭ ادىستەرىن قايتا قاراستىرۋ قاجەت»، - دەدى ولگا پەرەپەچينا.

اۆتور: مارلان جيەمباي