ەلوردا اكىمى شاھار تۇرعىندارىنا ۇندەۋ جاسادى

نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ شاھار تۇرعىندارىنا ۇندەۋ جاسادى، دەپ حابارلايدى قازاقپارات.

«قۇرمەتتى ەلوردا تۇرعىندارى مەن قوناقتارى! ءبىز ءالى دە «قىزىل» ايماقتامىز. كۇندەلىكتى COVID-2019 ينفەكسياسىنىڭ 250-300 جاعدايى انىقتالادى. ءبىر جاعىنان، بۇل پتر تەستىلەرىنىڭ سانىن كوبەيتۋ ارقىلى، ەكىنشى جاعىنان، وقشاۋلاۋ مەن سانيتارلىق نورمالاردىڭ بۇزىلۋىنان بولىپ وتىر. Ashyq جوباسى ارقىلى كارانتين تالاپتارىنىڭ ورەسكەل بۇزىلعانىن كورىپ وتىرمىز. ءوزىن- ءوزى وقشاۋلاۋى ءتيىس (بايلانىستا بولعان، جۇقتىرعان) ازاماتتار بار، ءبىراق ولار ادام كوپ جينالاتىن ورىندارعا بارۋىن توقتاتار ەمەس. وسىلايشا، كوروناۆيرۋستىڭ تارالۋىنا اسەر ەتىپ جاتىر. مۇنداي ادامگەرشىلىككە جاتپايتىن بۇزۋشىلىقتاردى توقتاتىپ، جولىن كەسەمىز. قالا تۇرعىندارىن سىرقاتتانعان ادامداردىڭ ستاتيستيكاسىنا بەي- جاي قاراماۋعا شاقىرامىن. ءاربىر ساننىڭ ارتىندا ءبىر ادامنىڭ ءومىرى، ولاردىڭ وتباسىلارىنىڭ تاعدىرى تۇر» دەپ جازادى قالا باسشىسى Instagram پاراقشاسىندا.

ونىڭ ايتۋىنشا، مەديتسينالىق رۇقساتى جوق جانە ءالى ۆاكسيناتسيالانباعان ادامدار وتپەن ويناپ جۇرگەنىن بىلمەيدى: ولار ەرتە مە، كەش پە جەڭىلەدى. بۇل رەتتە ءوز دەنساۋلىعىن عانا ەمەس، تۋىستارىنا، جاقىندارىنا جانە قورشاعان ورتاعا قاۋىپ توندىرەدى.

«بىلتىر، ياعني جاعداي بۇدان دا اۋىر كەزدە سانيتارلىق نورمالاردى ساقتاۋدان باسقا امالىمىز بولماعان ەدى، ال 2021 -جىلدىڭ باسىنان باستاپ ۆاكسيناتسيا باستالدى! ۆاكسيناتسيا پۋنكتىلەرى مەديتسينالىق مەكەمەلەردە، سونداي- اق قالا تۇرعىندارىنا ىڭعايلى بولۋ ءۇشىن سوو، ءسۇ جانە ادام كوپ جينالاتىن باسقا دا ورىنداردا اشىلدى. ۆاكسيناتسيا بارىنە تەگىن جۇرگىزىلەدى. ونىڭ بىرنەشە ءتۇرى بار. كورشىلەس ەلدەردە كوروناۆيرۋستىڭ تارالۋى كۇشەيىپ جاتقانىن بىلەمىز. شتاممداردىڭ جاڭا تۇرلەرى پايدا بولادى. وزگە ەلدەردە كارانتيندىك قوسىمشا شەكتەۋلەر ەنگىزىلىپ، جاڭا ينفەكسيالىق ستاتسيونارلار اشىلىپ جاتىر. كوروناۆيرۋستىڭ ەڭ اۋىر كەزەڭىندە ەلوردادا ءتورت مىڭنان استام توسەك- ورىن اشتىق. ينفەكسيالىق ستاتسيونارلاردا نون- ستوپ رەجيمىندە سەگىز مىڭنان استام مەديتسينا قىزمەتكەرى جۇمىس ىستەدى. قازىرگى ۋاقىتتا ءبىزدىڭ ستاتسيونارلاردا 1000-عا جۋىق ادام ەم الۋدا. توسەك- ورىن جۇكتەمەسى - قازىردىڭ وزىندە %50. قالامىزعا قوسىمشا شەكتەۋلەر ەنگىزگىمىز كەلمەيدى. بۇل قالا ەكونوميكاسىنا، تۇرعىنداردىڭ ءال- اۋقاتىنا اسەر ەتەدى. سونىمەن قاتار، كۇزدە جاڭا وقۋ جىلى باستالادى. ءبىراق بالالارىمىز ءۇشىن مەكتەپتەردى قايتا اشا المايمىز. ۇجىمدىق يممۋنيتەت قالىپتاسقانعا دەيىن قالامىز قالىپتى رەجيمگە ورالمايدى. ۆاكسيناتسيا ادام ءومىرىن قاۋىپتى ۆيرۋستان قۇتقاراتىن جالعىز پاناتسەيا. ءبىز ەشبىر دالەلى جوق، اۋىزدان اۋىزعا تارالعان، ينتەرنەتتە، چاتتاردا جازىلعان جالعان اڭگىمەلەرگە ەمەس عىلىمي تۇردە دالەلدەنگەن قورعانۋ تاسىلىنە سەنۋىمىز كەرەك. ۆيرۋس ادام جاسىنا قارامايدى. وعان ءبارىبىر. ول مەيىرىمدى بىلمەيدى! دوستار، ءوزىڭىزدىڭ، جاقىندارىڭىز بەن تۋىستارىڭىزدىڭ ومىرىنە بەي- جاي قاراماۋىڭىز كەرەك! ءبىز اينالامىزداعى ادامدار ءۇشىن جاۋاپتىمىز. ۆاكسيناتسيا ارقىلى ءوزىمىزدى قاۋىپسىزدەندىرە وتىرىپ، جاقىندارىمىزدى قاتەردەن ساقتايمىز!» دەپ تۇيىندەدى ءسوزىن التاي كولگىنوۆ.