انتونيۋ گۋتەرريش ەكىنشى مەرزىمگە ب ۇ ۇ باس حاتشىسى بولىپ تاعايىندالدى
ءتيىستى شەشىم تۋرالى وتىرىستا ب ۇ ۇ باس اسسامبلەياسىنىڭ 75-سەسسياسىنىڭ ءتوراعاسى ۆولكان بوزكىر مالىمدەدى، دەپ حابارلايدى قازاقپارات تاسس اگەنتتىگىنە سىلتەمە جاساپ.
«مەن 2022-جىلدىڭ 1- قاڭتارىنان باستاپ 2026-جىلدىڭ 31- جەلتوقسانىنا دەيىن انتونيۋ گۋتەرريشتىڭ ب ۇ ۇ باس حاتشىسى بولىپ ەكىنشى مەرزىمگە تاعايىندالعانىن جاريالاۋ قۇرمەتىنە يە بولدىم»، - دەدى ول.
گۋتەرريشتى تاعايىنداۋ تۋرالى قارار جالپىعا بىردەي ماقۇلداۋىمەن داۋىس بەرۋسىز قابىلداندى.
تاعايىنداۋ تۋرالى حابارلانعاننان كەيىن، بوزكىر سىرتتا شەشىم كۇتىپ تۇرعان گۋتەرريشتى زالعا شاقىرىپ، انت بەرگىزدى. گۋتەرريش ب ۇ ۇ باس حاتشىسى قىزمەتىنە جالعىز ۇمىتكەر بولدى. بۇعان دەيىن ونى دۇنيەجۇزىلىك ۇيىمنىڭ قاۋىپسىزدىك كەڭەسى قولداعان.
ب ۇ ۇ باس اسسامبلەياسى قاۋىپسىزدىك كەڭەسىنىڭ ۇسىنىستارىمەن ءبىر رەت قانا 1950-جىلى كەلىسپەگەن بولاتىن.
ايتا كەتەيىك، ب ۇ ۇ باس حاتشىسى بەس جىلدىق مەرزىمگە سايلانادى.
