11:01, 17 - ماۋسىم 2021 | GMT +5
تاەكۆوندوشى سمايىل دۇيسەباي ازيا چەمپيوناتىندا كۇمىس جۇلدەگە يە بولدى
تاراز. قازاقپارات - قازاقستاندىق تاەكۆوندوشى سمايىل دۇيسەباي ازيا چەمپيوناتىندا كۇمىس جۇلدەگە يە بولدى، دەپ حابارلايدى Olympic.kz.
بۇل كۇندەرى ليۆاندا تاەكۆوندودان ازيا چەمپيوناتى ءوتىپ جاتىر. قازاقستان قۇراماسىنىڭ مۇشەسى سمايىل دۇيسەباي ەل قورجىنىنا كۇمىس جۇلدە اكەلدى. 87 كەلىدە سىنعا تۇسكەن ول فينالدا وڭتۇستىك كورەيا وكىلىنە 8:10 ەسەبىمەن جول بەردى. سونداي- اق 54 كەلىدە سامات تەمىرحان قولا جۇلدەگە يە بولدى.
