ورالدا قاتارداعى جاۋىنگەر ءوزىن اتىپ تاستادى

ورال. قازاقپارات - ورالدا قاتارداعى جاۋىنگەر وزىنە قارۋدان وق اتىپ، كوز جۇمدى، دەپ حابارلايدى قازاقپارات ءتىلشىسى.

ق ر ۇلتتىق ۇلانى «باتىس» وڭىرلىك قولباسشىلىعىنىڭ باسپا ءسوز قىزمەتى ءمالىم ەتكەنىندەي، وقيعا 16 -ماۋسىم كۇنى شامامەن تاڭعى ساعات 05.30-دا بولدى.

اقتوبە قالاسىنان شاقىرىلعان 5517-اسكەري ءبولىمىنىڭ مەرزىمدى قىزمەت اسكەري قىزمەتشىسى، قاتارداعى جاۋىنگەر ق. قاراۋىلدا قىزمەت اتقارۋ كەزىندە بەكىتىلگەن قارۋدان يەگىنە وق اتىپ، ءوزىن- ءوزى جارالادى. جەدەل جاردەم بريگاداسىمەن اسكەري قىزمەتشى اۋرۋحاناعا جەتكىزىلدى. مەديتسينا قىزمەتكەرلەرى شۇعىل قولدانعان شارالارعا قاراماستان، قاتارداعى جاۋىنگەردى امان الىپ قالۋ مۇمكىن بولمادى. «باتىس» وڭىرلىك قولباسشىلىعى مارقۇمنىڭ تۋما- تۋىسقاندارىنا قايعىلارىنا ورتاقتاسىپ، كوڭىل ايتادى.

ب ق و دەنساۋلىق ساقتاۋ باسقارماسى باسپا ءسوز قىزمەتىنىڭ ناقتىلاۋىنشا، 2000 -جىلعى اسكەري قىزمەتشى يەك تۇسىنان وق جاراقاتىن الىپ، وبلىستىق كوپبەيىندى اۋرۋحانانىڭ جانساقتاۋ بولىمىنە تۇسكەن. ەسكە سالا كەتەيىك، بۇدان بۇرىن ورالدا كولىكپەن سوقتىعىسقان موتوتسيكلدىڭ 15 جاستاعى جۇرگىزۋشىسى مەرت بولعانىن جازعان ەدىك.

اۆتور: ەلجان ەرالى