نۇر-سۇلتان مەن قازان وكىلدەرى تۋريزم جانە ينۆەستيتسيالار سالاسىندا تاجىريبە الماسادى
ول جاقتا نۇر-سۇلتان مەن قازان قالالارىنىڭ تۋريستىك الەۋەتىن دامىتۋ، ينۆەستيتسيالىق جوبالارداعى ىنتىماقتاستىق، سونداي-اق قالالىق گۇلزارلار جانە ساياباقتارمەن بالانىستى جۇمىستار بويىنشا، تاجىريبە الماسۋ ماسەلەلەرى تالقىلاندى.
بۇل تۋرالى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ حابارلايدى.
قازاقستاندىق دەلەگاتسيانىڭ قاتارىندا «Astana Invest» ق ي د و» ج ش س، «استانا- تەحنوپوليس» ا ە ا جانە «پاۆلودار» ا ە ا باسشىلارى بولدى.
ولار قازانداعى تاتارستان رەسپۋبليكاسىنىڭ ينۆەستيتسيالىق دامۋ اگەنتتىگىنىڭ باسشىلىعىمەن كەزدەستى.
ەكى تاراپ ىنتىماقتاستىقتى ودان ءارى دامىتۋ جانە تاجىريبە الماسۋ ماسەلەلەرىن تالقىلادى. سونىمەن قاتار، ينۆەستيتسيالىق ءىس-شارالارعا قاتىسۋ، ونىڭ ىشىندە ەكى مەملەكەتتىڭ باسىم سەكتورلارىنا ينۆەستيتسيالار تارتۋ تۋرالى ۋاعدالاستىققا قول جەتكىزىلدى.
ءوز كەزەگىندە «Astana Invest» باسقارما ءتوراعاسى ەرجان بالتايەۆ قازان قالاسىنىڭ تۋريزمدى دامىتۋ كوميتەتىنىڭ ديرەكتورى داريا ساننيكوۆامەن كەزدەستى.
ولار نۇر-سۇلتان جانە قازان قالالارىنىڭ تۋريستىك الەۋەتىن دامىتۋعا، تۋريستەردى تارتۋعا باعىتتالعان بىرلەسكەن ءىس-شارالاردى ۇيىمداستىرۋ، سونداي-اق ەكىجاقتى ىنتىماقتاستىقتىڭ پەرسپەكتيۆالارى سەكىلدى كەڭ اۋقىمدى ماسەلەلەردى تالقىلادى.
كەزدەسۋ قورىتىندىسى بويىنشا تاراپتار ەكىجاقتى ىنتىماقتاستىقتى ودان ءارى نىعايتۋ تۋرالى كەلىسىمگە كەلدى.
