قازاقستاننىڭ قازبا وتىنىنىڭ يمپورتى بىرتىندەپ ازايادى - ە و ارنايى وكىلىنىڭ ب ا ق- پەن كەزدەسۋى

جوعارى شەندى ەۋروپالىق ديپلومات ءبىزدىڭ ەلدە ءۇش كۇندىك ساپارمەن ءجۇر. ونىڭ جۇمىس باعدارلاماسىندا سىرتقى ىستەر ءمينيسترى مۇحتار تىلەۋبەردىمەن، ق ر پرەزيدەنتىنىڭ حالىقارالىق ىنتىماقتاستىق جونىندەگى ارنايى وكىلى ەرجان قازىحانوۆپەن، پارلامەنت دەپۋتاتتارىمەن جانە بيزنەس وكىلدەرىمەن كەزدەسۋ بار.

جۋرناليستەردى ەكونوميكالىق، ساياسي جانە گۋمانيتارلىق سيپاتتاعى ماسەلەلەر، ە و ارنايى وكىلىنىڭ ەۋرووداقپەن ودان ءارى ىنتىماقتاستىق پەرسپەكتيۆالارىنا كوزقاراسى قىزىقتىردى. پيتەر بۋريان پرەزيدەنت قاسىم- جومارت توقايەۆتىڭ جۇرگىزىپ جاتقان ساياسي رەفورمالارىنا وڭ باعا بەرىپ، ە و- نىڭ قازاقستانعا الەۋمەتتىك- ەكونوميكالىق وزگەرىستەر پروتسەسىندە قولداۋ كورسەتۋگە دايىن ەكەنىن اتاپ ءوتتى. ساۋدا- ەكونوميكالىق قاتىناستاردى كەڭەيتۋ پەرسپەكتيۆالارى تۋرالى كوپ ايتىلدى.

سونىمەن قاتار، ەۋروپالىق ديپلومات قازاقستاندىق قازبا وتىننىڭ ەۋروپالىق وداق ەلدەرىنە يمپورتى بىرتىندەپ قىسقاراتىنى تۋرالى ەسكەرتتى.

«ءبىز «جاسىل ەكونوميكاعا» كوشۋىمىزگە بايلانىستى قازبا وتىنىنىڭ يمپورتى بىرتىندەپ تومەندەيتىنىن جاسىرمايمىز. سوعان قاراماستان، ءبىز جاڭارتىلاتىن ەنەرگيا كوزدەرىن دامىتۋدىڭ جاڭا مۇمكىندىكتەرىن كورىپ وتىرمىز»، - دەدى ول.

دەگەنمەن، ە و ءبىزدىڭ ەلىمىزدىڭ جەتەكشى ينۆەستيتسيالىق سەرىكتەسى بولىپ قالۋدى جوسپارلاپ وتىر. پيتەر بۋريان ينۆەستيتسيالىق ىنتىماقتاستىقتى ودان ءارى دامىتۋ ماسەلەلەرى بويىنشا ديالوگ الاڭى اياسىنداعى بىرلەسكەن جۇمىستىڭ ماڭىزىن ايتىپ ءوتتى.

«سىزدەردەگى ەكونوميكا كوبىرەك ينۆەستيتسيا قابىلداۋعا دايىن، پرەمەر- مينيستر باستاعان الاڭ جاقسى جۇمىس ىستەپ، باسىم مىندەتتەردى ايقىندادى»، - دەدى ول.

ساۋدا- ەكونوميكالىق قاتىناستاردى كەڭەيتۋ تاقىرىبىن جالعاستىرۋ ءۇشىن اقتاۋ تەڭىز پورتىن دامىتۋدى قوسا العاندا، ەۋروپاعا جۇك جەتكىزۋ ءۇشىن ءتيىستى ينفراقۇرىلىم سالۋ ماسەلەسى قويىلدى. پيتەر بۋريان وسى تۇرعىدا ە ق ى ۇ- نىڭ 2019 -جىلدىڭ جازىنان بەرى جۇزەگە اسىرىلىپ كەلە جاتقان «جاسىل پورتتار» جوباسىن ەسكە سالدى.

«ءبىز ە ق ى ۇ- نىڭ «جاسىل پورتتاردى» دامىتۋ جونىندەگى باستاماسىن قولدايمىز. كاسپيي تەڭىزىنىڭ پورتتارى ەۋروپالىق وداقتىڭ ەۋروپا مەن ازيانى جالعاۋ جونىندەگى ستراتەگياسىنىڭ پيلوتتىق جوبالارى بولۋى مۇمكىن. 1990 -جىلدارى باستالعان تراس ە ك ا جوباسىمەن جاقسى نەگىز قالاندى»، - دەدى ول.

ب ا ق- تى قىزىقتىرعان ماسەلەلەردىڭ ءبىرى قازاقستان ازاماتتارى ءۇشىن ە و- نىڭ ۆيزالىق رەجيمىن ىرىقتاندىرۋ بولدى. جوعارى دارەجەلى ەۋروپالىق ديپلومات ماسەلەنىڭ ەگجەي- تەگجەيىنە ۇڭىلمەي، تاراپتار وسى تاقىرىپ اياسىندا جۇمىستى جالعاستىرىپ، «قاجەتتى ماقساتقا قاراي جىلجىپ كەلە جاتقانىن» ايتتى.

ە و- نىڭ ورتالىق ازيا بويىنشا ارنايى وكىلى قىرعىز- تاجىك شەكاراسىنداعى قارۋلى قاقتىعىسقا پىكىر ءبىلدىرىپ، قازاقستان پرەزيدەنتى قاسىم- جومارت توقايەۆتىڭ ونى رەتتەۋگە جاردەمدەسۋ تۋرالى ۇسىنىسىن جوعارى باعالادى.

اۆتور: اياۋلىم التىنبەك