نۇر- سۇلتاندا ۆاكسينالاۋ قارقىنى تومەندەدى

«سوڭعى ايدا نۇر- سۇلتاندا ۆاكسينالاۋ قارقىنى تومەندەدى. مامىر ايىندا ۆاكسينالاۋ سانى ءساۋىر ايىمەن سالىستىرعاندا % 46- عا تومەن. الايدا، ءبىز حالىقتىڭ ۆاكسيناعا دەگەن سۇرانىسى مەن تىلەگىن كورىپ وتىرمىز. جاپپاي ۆاكسينالاۋ حالىق ءۇشىن تەك سانيتارلىق تالاپتارعا سايكەس كەلەتىن ەگۋ كابينەتتەرىندە جۇرگىزىلەتىنىن اتاپ وتكىم كەلەدى»، - دەدى سارحات بەيسەنوۆا ەلوردا اكىمدىگىنىڭ بريفينگىندە.

اكىمدىكتىڭ مالىمەتىنشە، تۇرعىندارعا ۆاكسينالاۋدىڭ قولجەتىمدى بولۋى ءۇشىن قالالىق ەمحانالارمەن بىرگە قوسىمشا 9 ەگۋ پۋنكتى اشىلعان. اتاپ ايتقاندا، «حان- شاتىر»، «كەرۋەن»، «ازيا پارك»، «سارى ارقا» س و و جانە ء«ابۋ- دابي پلازا» كەشەنىندە اشىلعان.

وڭ جاعالاۋدا «الەم» جانە «ەۋرازيا-3» ساۋدا ۇيلەرىنىڭ اۋماعىندا، «مەچتا» ساۋدا ورتالىعىندا ەگۋ پۋنكتتەرى ۇيىمداستىرىلدى، وندا بارلىق سانيتارلىق نورمالار ساقتالعان. ايتا كەتەيىك، 9 - ماۋسىمداعى جاعداي بويىنشا ەلوردا حالقىنىڭ % 9,4- ى نەمەسە 111683 ادام ەكى كومپونەنتتى تولىق الدى. ءبىرىنشى كومپونەنتپەن 169632 ادام نەمەسە % 14,3 قامتىلعان.