شاردارادا تابىلعان بالبال تاس مۇراجايدا ساقتالاتىن بولدى
كونە ەسكەرتكىش ءوز زامانىنىڭ اتاقتى قولباسشىسىنا ارناپ جاسالۋى مۇمكىن، دەگەن دە بولجام بار. ويتكەنى بالبال تاس بەتىندە اسكەري باس كيىم انىق بەينەلەنگەن. تابىلعان تاس ءمۇسىن مۇراجايدان ورىن الىپ، وبلىستىق تاريحي جانە مادەني ەسكەرتكىشتەردىڭ مەملەكەتتىك تىزىمىنە ەنگىزۋ جونىندە قۇجاتتار ازىرلەنىپ جاتىر.
كونە جادىگەردى تاپقان جەر يەسى - تورەبەكوۆتەر اۋلەتى. تاستى شاردارا سۋ قويماسىنا جاقىن ماڭداعى شەكەرتوبە جەرىندە مال باعىپ ءجۇرىپ، تاۋىپ العان. تاس ءمۇسىندى شارۋا قوجالىق يەسى مۇراجايعا امانات ەتتى.
قۇندى جادىگەر تابىلعان اۋماقتا قازبا جۇمىستارى جۇرگىزىلۋى مۇمكىن. بالبال - تاستان قاشالىپ جاسالعان ادام بەينەسىندەگى ەسكەرتكىش. ياعني سوعۋ، قاعۋ، ۇرۋ دەگەندى بىلدىرەتىن قوس سوزدەن تۇرادى.
تۇركولوگتاردىڭ پىكىرىنشە، بالبال ءسوزى «تاستى ءتىپ-تىك ەتىپ قاداپ ورناتقان بەلگىلەر» دەگەن ماعىنانى بىلدىرەدى.
