نيۋ-يورك پاندەميانىڭ اياقتالۋىن ۇلكەن كونسەرتپەن اتاپ وتەدى

ءدال سول كەزدە مەر بيلل دە بلازيو ورتالىق ساياباقتا مەگاپوليستىڭ قالىپتى ومىرگە ورالۋىنا بايلانىستى كونسەرت وتكىزۋدى ۇسىندى، دەپ حابارلايدى قازاقپارات Reuters اگەنتتىگىنە سىلتەمە جاساپ.

ۆاكسينا العانداردىڭ سانى ءوسىپ، ۆيرۋس ازايىپ كەلە جاتىر. سوعان بايلانىستى نيۋ-يورك بيلىگى قالادا جاندى مۋزىكامەن ءىس-شارا وتكىزۋدى ۇيعاردى. ءىس-شارا ءبىر اپتاعا جالعاسادى دەپ كۇتىلۋدە.

«بۇل نيۋ-يورك ءۇشىن تاڭعاجايىپ، ۇمىتىلماس اپتا بولادى»، - دەدى قالا اكىمى باسپا ءسوز ءماسليحاتىندا.

دە بلازيو كونسەرتتىڭ ناقتى كۇنىن، سونداي-اق وندا ونەر كورسەتەتىندەردى جاريالامادى. دەگەنمەن New York Times ءىس-شارانى 21 - تامىزدا ورتالىق ساياباقتا وتكىزۋ جوسپارلانعان دەپ ءمالىم ەتتى.

مۋزىكا يندۋسترياسىنىڭ اتى اڭىزعا اينالعان مايتالمانى كلايۆ دەۆيس بارلىق جۇلدىز ونەر كورسەتەتىن ۇلكەن ءىس-شارانى جۇرگىزەدى. تايمس كونسەرتتە ۆاكسينا العان جانە ۆاكسينا الماعان كورەرمەندەرگە دە ورىن بەرىلەتىنىن جانە بيلەتتەردىڭ شامامەن %70 ۆاكسينا العان مۋزىكا اۋەسقويلارىنا ساتىلاتىنىن ايتتى.

ايتا كەتۋ كەرەك، كوشەلەر، مەيرامحانالار مەن ساياباقتاردا قايتا تىرشىلىك لەبى سەزىلەدى. Covid-19 سالدارىنان ۇزاق ايلار بويى ءبارى قاڭىراپ قالعان ەدى. دۇيسەنبىدە دە بلازيونىڭ ايتۋىنشا، نيۋ-يوركتە پاندەميا باستالعاننان بەرى پ ت ر تەستىلەرىنىڭ ەڭ تومەنگى دەڭگەيى تىركەلدى - %0,71. قالادا شامامەن 4,5 ميلليون ادام كوروناۆيرۋس ۆاكتسيناسىنىڭ كەم دەگەندە ءبىر دوزاسىن الدى.

نيۋ-يورك گۋبەرناتورى ەندريۋ كۋومو دۇيسەنبىدە جەكە باسپا ءسوز ءماسليحاتىندا شتات COVID-19 عا قاتىستى قالعان شەكتەۋلەردىڭ كوپشىلىگىن الىپ تاستايدى دەدى. بۇل كەزدە تۇرعىنداردىڭ %70 ۆاكسينانىڭ كەم دەگەندە ءبىر دوزاسىن الۋى ءتيىس، بۇل قازىرگى دەڭگەيدەن %1,4 عا از.