د د س ۇ: جاڭا شتامدار ۆاكسينا الماعاندار ءۇشىن قاۋىپ ءتوندىرۋى مۇمكىن

جاڭا شتامدار ىندەتكە قارسى ەگىلمەگەندەر ءۇشىن قاۋىپ ءتوندىرۋى مۇمكىن دەدى دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس. دۇنيە جۇزىندە جاڭا شتامدار جىلدام تارالۋدا. سوندىقتان شەكتەۋلەردى بىرتىندەپ جەڭىلدەتىپ، كولەمدى ءىس- شارالاردى وتكىزۋگە اسا مۇقيات قاراۋعا شاقىردى.

ۇيىم باسشىسى ۆاكتسينانىڭ ادىلەتتى بولىنبەۋى ىندەتتىڭ تارالۋىنا توسقاۋىل قويۋعا كەدەرگى ەكەنىن دە ەسكە سالدى. مىسالى، الەمدە العاشقى ۆاكسينا سالىنعاننان بەرگى 6 ايدىڭ ىشىندە اۋقاتتى ەلدەر دۇنيە جۇزىندەگى ەكپەنىڭ 44 پروتسەنت دوزاسىن قولدانسا، كەدەي مەملەكەتتەر ونىڭ تەك 0,4 پروتسەنتىن ەگىپتى.

تەدروس ادحانوم گەبرەيەسۋس، دۇنيەجۇزىلىك دەنساۋلىق ساقتاۋ ۇيىمىنىڭ باسشىسى:

- كەز كەلگەن مەملەكەت قانداي دا بولماسىن ءىرى شارالاردى وتكىزبەس بۇرىن ودان تۋىندايتىن قاۋىپ- قاتەردى ناقتى سارالاۋى ءتيىس. ال ۆيرۋستىڭ تارالۋى جوعارى بولىپ، ونىڭ الدىن الۋ مۇمكىن ەمەس ەكەنىن بىلسە، شارادان باس تارتقانى ابزال.