ارنايى وپەراتسيا: الماتىدا قارۋ-جاراق ارسەنالى تاركىلەندى

پوليتسيا دەپارتامەنتىنىڭ مالىمەتىنشە، تۇرعىن ۇيلەردىڭ بىرىندەگى تۇراقتا پوليتسەيلەر «Lexus LX 470» جانە «Toyota Camry» ماركالى كولىكتەرىن توقتاتقان. التى ادام ۇستالدى، ونىڭ تورتەۋى بۇرىن سوتتالعان.

«ولار شابۋىل جاساعانى، ۇرلىق، الاياقتىق جاساعانى ءۇشىن، ەسىرتكى قىلمىسى مەن قارۋدى زاڭسىز ۇستاۋ دەرەكتەرى بويىنشا سوتتى بولعان. ەڭ ۇلكەنى - 33 تە، كىشىسى 25 تە. بىرەۋى تۇركىستان وبلىسىنان، قالعانى الماتى وبلىسىنىڭ تۇرعىنى. ءتىنتۋ بارىسىندا ايىپتالۋشىلاردان جانە ولاردىڭ كولىگىنەن «ماكاروۆ»، «ناگان» جانە «مارگولين» جۇيەسىنىڭ ەكى تاپانشاسى، تەگىس ۇڭعىلى ەكى قارۋ، «ستراجنيك» تراۆماتيكالىق تاپانشاسى جانە ولاردىڭ وق دارىلەرى تابىلدى»، - دەدى الماتىنىڭ پوليتسيا دەپارتامەنتى باسشىسىنىڭ ورىنباسارى بەرىك ابىلبەكوۆ.

اتالعان دەرەك سوتالدى تەرگەۋدىڭ ءبىرىڭعاي تىزىلىمىنە ەنگىزىلدى. كۇدىكتىلەر ۋاقىتشا تەرگەۋ يزولياتورىنا قامالدى.

سپيكەر تەرگەۋ بارىسىندا تاركىلەنگەن اسكەري ارسەنالدىڭ قايدان الىنعانى، كىمگە تيەسىلى ەكەندىگى، سونداي-اق، ونىڭ قانداي دا ءبىر قىلمىسقا قاتىسى بار-جوعى انىقتالاتىندىعىن اتاپ ءوتتى.