الماتىدا جالعا الىنعان كولىكتى ساتپاق بولعان ەر ادام ۇستالدى

الماتى قالالىق پوليتسيا دەپارتامەنتى ءمالىم ەتكەندەي، 25 جاستاعى ن. ەسىمدى ازامات «Toyota Land Cruiser 200» كولىگىن جالعا الىپ، ونى سايت ارقىلى ساتپاق بولعان.

«حابارلاندىرۋ كولىك باعاسىنىڭ نارىقتان ەكى ەسە تومەن سۇراۋىمەن نازار اۋدارتتى. كۇدىكتى بىرەۋدىڭ كولىگىن تەز ساتۋدى كوزدەگەن. ارزان باعا سۇراعان كولىكتى ساتىپ الۋشى دا تابىلعان. ول كۇدىكتىنىڭ قۇجاتتاردى جوعالعاننان كەيىن قالپىنا كەلتىرۋگە بولادى دەگەن سوزىنە سەنگەن. مۇنداي قۇقىق بۇزۋشىلىق ق ر ق ك- ءنىڭ 190-بابى بويىنشا تەرگەلەدى»، - دەدى اۋەزوۆ اۋداندىق پوليتسيا باسقارماسىنىڭ باستىعى ۇلان ءابىلحايىر.

كۇدىكتى قاماۋعا الىندى. تەرگەۋ امالدارى ءجۇرىپ جاتىر.