قانات يسلامنىڭ كەلەسى جەكپە-جەگى وتەتىن ۋاقىت بەلگىلى بولدى

نۇر-سۇلتان. قازاقپارات - ورتا سالماقتاعى قازاقستاندىق بوكسشى قانات يسلام (28-0، 22 ك و) امەريكاعا اتتانىپ، جاتتىعا باستاماق.

بۇل تۋرالى Vesti.kz تىلشىسىنە بوكسشىنىڭ كومانداسىنا جاقىن مالىمەت كوزى حابارلادى.

«مامىر ايىندا ول ۇيىندە بولىپ، وتباسىنا ۋاقىت بولگىسى كەلدى. الايدا وسى ايدا ول جاتتىعۋلارىنا قايتا كىرىسپەك. قاناتتى جاڭا باپكەر جاتتىقتىرا باستاۋى ىقتيمال»، - دەيدى مالىمەت كوزى.

مۇنىڭ الدىندا قازاقستاندىقتىڭ مەنەدجەرى نەلسون لوپەس ەكى جەكپە-جەك جوسپارلاپ وتىرعاندارىن جانە بىرەۋى ماۋسىم ايىندا وتەتىنىن ايتقان بولاتىن.

ەسكە سالايىق، 21-اقپان ماياميدە وتكەن كەيىنگى جەكپە-جەگىندە قانات يسلام ەكۆادورلىق دجەيسون ميندۋنى (14-4-1، 8 ك و) جەتىنشى راۋندتا نوكاۋتقا تۇسىرگەن.