انتيكور «شەنەۋنىگىنە» قاتىستى ۆيدەوعا تۇسىنىك بەرىلدى

الەۋمەتتىك جەلىدە كولىككە مىنگەن ءۇش ەر ادام تۋرالى ۆيدەو تارالۋدا. قوزعالىس ۇستىندەگى ماشينانى پوليتسيا كولىگى قۋىپ جەتىپ، توقتاتادى. كولىكتىڭ ارتقى جاعىندا وتىرعان جولاۋشى پوليتسەيمەن سويلەسۋگە ءتۇسىپ، كوپ ۇزاماي قايتا ورالادى.

ايتۋىنشا، پوليتسەيگە «كوروچكانى» كورسەتكەن. «ول مەنىمەن امانداسۋ ءۇشىن توقتاتتى»، - دەپ قوسادى جولاۋشى.

ق ر سىبايلاس جەمقورلىققا قارسى ءىس-قيمىل اگەنتتىگى ۆيدەوعا قاتىستى تۇسىنىك بەردى.

«اتالعان ازامات ەشقاشان انتيكور قىزمەتكەرى بولعان ەمەس جانە قازىر دە قىزمەت اتقارمايدى. اعىمداعى جىلدىڭ 2- ماۋسىمىندا ونىڭ شىمكەنت قالاسىنىڭ تۇرعىنى، ازامات ق. ەكەنى انىقتالدى. قازىرگى ۋاقىتتا وعان قاتىستى ق ر قىلمىستىق كودەكسىنىڭ 385-بابى 3-بولىگى (قۇجاتتاردى قولدان جاساۋ) بويىنشا قىلمىستىق ءىس قوزعالدى»، - دەدى اگەنتتىكتەن.

ۆەدومستۆو ازامات ق. قولدان جاساپ العان جالعان كۋالىكتىڭ ءوزىن دە كورسەتتى.