قىتايدا ىرگەسى سەگىز عاسىر بۇرىن قالانعان اۋىلداعى بىرنەشە ءۇي ورتەندى
چۋنتسين. شينحۋا - قازاقپارات - بۇگىن، جۇمادا قىتايدىڭ وڭتۇستىك-باتىسىنداعى چۋنتسين قالاسىنىڭ تسزيانتسزين اۋدانىندا ورنالاسقان ەجەلگى چجۋنشان اۋىلىندا ءورت شىقتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
ءورت ساعات 11:35 تە باستالعان، كوپتەگەن اعاش ءۇي وتقا وراندى.
«وقيعا ورنىنا ءورت سوندىرۋشىلەر جىبەرىلىپ، تۇرعىندار ەۆاكۋاتسيالاندى. قازىرگى ۋاقىتتا زارداپ شەككەندەر تۋرالى حابارلامالار تۇسكەن جوق»، - دەپ مالىمدەدى جەرگىلىكتى بيلىك.
ءورتتىڭ سەبەپتەرى انىقتالۋدا. ەجەلگى چجۋنشان اۋىلىنىڭ تاريحى 800 جىلدان اسادى. ول قىتايدىڭ تۋريستىك نىساندارىنىڭ رەيتينگ جۇيەسىندە ەكىنشى تۇراتىن A4 كلاستى ۇلتتىق تۋريستىك ايماقتاردىڭ قاتارىنا كىرەدى.
