قازاقستاندا ۇجىمدىق يممۋنيتەت قاشان قالىپتاسادى - يممۋنولوگ جاۋاپ بەردى
«ءبىز پاندەميالىق جاعداي اياقتالعان نەمەسە اياقتالۋعا جاقىن ءۇش ەل بار ەكەنىن بىلەمىز. بۇل ەلدەردىڭ تاجىريبەسى نەنى كورسەتتى؟ ۆاكسينا العان ادامداردىڭ %70 ىنا جەتكەننەن كەيىن اۋرۋ جۇقتىرۋ كورسەتكىشى توقتادى (يزرايل) نەمەسە 0-گە جاقىنداپ كەلەدى (ا ق ش جانە ۇلىبريتانيا). مىسالى، بۇگىندە يزرايلدە 40 قا جۋىق ادام رەانيماتسيادا جاتىر. ال ءبىر جىل بۇرىن بۇدان الدەقايدا كوپ ادام اۋرۋحانادا جاتقان ەدى»، - دەدى رافايل روزەنسون دەنساۋلىق ساقتاۋ مينيسترلىگى ۇيىمداستىرعان دارىستە.
ساراپشى يتاليا مەن يسپانياداعى، ا ق ش- تاعى جاعدايلارعا دا توقتالدى.
«بىلتىر يتاليا مەن يسپانيادا ءبىر ۋاقىتتا ونداعان مىڭ ادام اۋىرعانىن بىلەسىزدەر. ولار ۆاكسينالاۋدى ءبىرىنشى بولىپ باستادى دا، ناۋرىز ايىندا ەكپە العانداردىڭ ۇلەسى %65 عا جەتتى. سودان كەيىن سىرقاتتانۋ كورسەتكىشى ازايىپ كەلەدى. ا ق ش- تا ۆاكسينالاۋ قاڭتار ايىندا باستالدى. ال مامىردا ايتارلىقتاي جەتىستىكتەرگە جەتتى. بۇگىندە ولاردىڭ شامامەن %70 ى ەكپە العان. سونىمەن قاتار، اۋرۋ جاعدايى ەڭ تومەنگى كورسەتكىشتەرگە جاقىنداپ كەلەدى. بريتاندىقتار دا ولاردى وكشەلەپ جەتىپ قالدى»، - دەدى يممۋنولوگ.
اللەرگولوگ ينفەكتسيانى تەك جاپپاي ۆاكسيناتسيا ارقىلى جەڭۋگە بولاتىنىنا سەنىم ءبىلدىردى.
«ۆاكسيناعا قارسىلار قانشا ايقايلاسا دا، الەم حالىقتىڭ %75 دان استامى ۆاكتسينا السا، مۋتاتسيالانعان ۆيرۋستى جەڭەتىنىن كورسەتتى. ويتكەنى ۆيرۋستىڭ تىزبەگى ۇزىلەدى. اۋرۋ جۇقتىرۋ كورسەتكىشى قۇلاسىن دەسەك، ەڭ بولماعاندا 70-75 پايىز حالىق ۆاكتسينا الۋى كەرەك. مەنىڭ بىلۋىمشە، ا. سوي مىرزا 1-ماۋسىمدا بەرگەن ەسەبىندە 3,2 ميلليون قازاقستاندىق ۆاكسينا العانىن ءمالىم ەتتى. مەنىڭ تۇسىنۋىمشە، قازىر بىزدە ايىنا 2 ميلليون ادامدى ۆاكسينالاۋ مۇمكىندىگى بار. سوندا ۇجىمدىق يممۋنيتەتتىڭ %60 دىق كورسەتكىشىنە قول جەتكىزۋ ءۇشىن 11 ميلليون ادام قاجەت بولسا، ءبىز قىركۇيەك ايىنىڭ سوڭىنا دەيىن وسى مەجەگە جەتەمىز»، - دەپ تۇيىندەدى رافايل روزەنسون.
