ەلوردادا «شىڭعىز حان» اتتى كىتاپتىڭ تانىستىرىلىمى ءوتتى
ونى مەملەكەت جانە قوعام قايراتكەرى ەرجان يساقۇلوۆ پەن اراب، پارسى، كونە شاعاتاي تىلدەرىنىڭ مامانى ءزارىپباي ورازباي جازعان. كىتاپتا بۇگىنگە دەيىن بۇرمالانىپ كەلگەن تاريحىمىز تۋرالى تىڭ دەرەكتەر جانە كارتالار جاريالانادى.
تاريحي كىتاپ نەگىزىنەن تۇركى تايپالارىنىڭ پايدا بولۋى، ونىڭ ىشىندە قازاق رۋلارىنىڭ شىعۋ تەگى، اتا قونىسى مەن سالت داستۇرلەرى باياندالادى. ونداعى دەرەكتەر ورتاعاسىرلىق ەنتسيكلوپەدياعا اينالعان «جاميعات- تاۋاريح» پارسى تىلىندە جازىلعان شاراف اد- دين ءالي ءيازديدىڭ «زافار ناماسى» مەن مۇحاممەد حايدار دۋلاتيدىڭ «تاريح- ي راشيدي» اتتى تۋىندىلارىنان تىكەلەي اۋدارىلعان.
ەرجان يساقۇلوۆ، كىتاپ اۆتورى، ساياسات عىلىمدارىنىڭ دوكتورى:
- 700 جىلداي بولعان. وسى كەزدەردە ادامداردىڭ اتتارى، جەردىڭ اتاۋى، تاۋلاردىڭ اتاۋلارى، وزەن- كولدەردىڭ اتاۋى سان رەت وزگەردى. سول كەزدەگى رۋلار تارماق- تارماققا ءبولىنىپ كەتتى. وسى «شىڭعىز حان» اتتى كىتاپتا سولاردىڭ بارلىعىنا تۇسىنىكتەمە بەرىپ، ونداعى اتاۋلار قازىر قاي مەملەكەتتىك، قاي جەرلەرىندە ەكەندىگى تۋرالى ەسكى كارتالار مەن جاڭا كارتانى سالىستىرا وتىرىپ كورسەتىلگەن.
كونە پارسى تىلىندەگى كىتاپتاردى وڭتۇستىك قازاقستان مەملەكەتتىك ۋنيۆەرسيتەتىنىڭ اعا عىلىمي قىزمەتكەرى ءزارىپباي ورازباي 4 جىلداي اۋداردى. ءسويتىپ وزىمىزگە قاتىسى بار تۇستارىن جيناقتاعان.
ءزارىپباي ورازباي، كىتاپ اۆتورى، وڭتۇستىك قازاقستان مەملەكەتتىك ۋنيۆەرسيتەتىنىڭ اعا عىلىمي قىزمەتكەرى:
- بۇل كىتاپتىڭ اسا قۇندىلىعى بۇرىنعى كەزدە ەۆروسەنتريستىك كوزقاراسقا بايلانىستى ول جەردە كوپتەگەن بۇرمالاۋشىلىق بولعان. ءبىز سول تىكەلەي اۋدارعاننىڭ ناتيجەسىندە شىنايى تاريحىمىزعا قول جەتكىزىپ وتىرمىز. كىتاپ تۇساۋكەسەرىن ەلوردانىڭ «رۋحاني جاڭعىرۋ» جوبالىق كەڭسەسى ۇيىمداستىردى. شاراعا مىرزاتاي جولداسبەكوۆ جانە باسقا دا زيالى قاۋىم وكىلدەرى قاتىستى.
www.24.kz
