ا ق ش- تا ەكى جاسوسپىرىم پوليتسياعا وق اتتى

نۇر-سۇلتان.قازاقپارات -امەريكانىڭ فلوريدا شتاتىندا 14 جاسار قىز بەن 12 جاسار ۇل پوليسيا قىزمەتكەرلەرىنە ۇرلانعان قارۋمەن وق اتقان. بۇل تۋرالى ABC News حابارلادى.

مالىمەتتەرگە قاراعاندا، بالالار ينتەرناتتان قاشىپ كەتكەن. ولار بىرەۋدىڭ ۇيىنە ۇرلىققا ءتۇسىپ، سول جەردەن ا ك-47 اۆتوماتىن، تاپانشا مەن وق ءدارىنى قولدى قىلعان.

ۇرلىق تۋرالى حابارلامادان سوڭ وقيعا ورنىنا كەلگەن پوليسيا قىزمەتكەرلەرى جاسوسپىرىمدەردەن ۇيدەن شىعۋدى تالاپ ەتكەن. بۇعان كونگىسى كەلمەگەن قىز بەن ۇل پوليسياعا وق اتقان. ءبىراق اتىس كەزىندە ءجاسوسپىرىم قىزدىڭ ءوزى جاراقات الدى. وسىدان سوڭ ۇل پوليسياعا بەرىلگەن. ەندى ەكەۋى كىسى ولتىرمەك بولدى جانە قارۋ قولدانا وتىرىپ ۇرلىق جاسادى دەپ ايىپتالۋدا.

www.24.kz