09:33, 03 - ماۋسىم 2021 | GMT +5
دانيار ەلەۋسىنوۆ گولوۆكيننىڭ پروموۋتەرىنەن نەگە كەتكەنىن ايتتى
نۇر- سۇلتان. قازاقپارات - بوكستان جارتىلاي ورتا سالماقتاعى وليمپيادا چەمپيونى دانيار ەلەۋسىنوۆ Matchroom Boxing پروموۋتەرى ەددي حيرنمەن كەلىسىمنىڭ توقتاعانى تۋرالى ايتتى، دەپ حابارلايدى قازاقپارات Sports.kz-كە سىلتەمە جاساپ.
بوكسشىنىڭ مەنەدجەرى ەلۆيس كرەسپو جۋرناليست مايك كوپپيندجەرمەن اڭگىمەسىندە دانياردىڭ Matchroom-مەن كەلىسىمشارتى اياقتالعانىن جانە قازىر 2016 -جىلعى وليمپيادا چەمپيونى ەركىن اگەنت ەكەنىن راستادى.
ەلەۋسىنوۆتىڭ ءوزى تۇسىندىرگەندەي، ول حيرن جانە DAZN ستريمينگ سەرۆيسىمەن جۇمىس ىستەگەنىنە كوڭىلى تولماعان.
«DAZN مەنى باعالامادى. مەن يندونگو دەڭگەيىندەگى بوكسشىلارمەن تاعى ءۇش- ءتورت جەكپە- جەك وتكىزسەم دەيمىن. سودان كەيىن ءبىز جارتىلاي ورتا ساناتتاعى چەمپيوندار تۋرالى سويلەسەرمىز»، - دەيدى بوكسشى.
