فۋتزالدان قازاقستان قۇراماسىنىڭ الەم چەمپيوناتىنداعى قارسىلاستارى بەلگىلى بولدى

نۇر-سۇلتان. قازاقپارات - فۋتزالدان قازاقستان ۇلتتىق قۇراماسىنىڭ ليتۆادا وتەتىن 2021-جىلعى الەم چەمپيوناتىنداعى قارسىلاستارى انىقتالدى.

قازاقستان تۋرنير قوجايىنى ليتۆا، كوستا-ريكا جانە ۆەنەسۋەلا قۇرامالارىمەن بىرگە A توبىندا باق سىنايتىن بولادى.

تۋرنير 12-قىركۇيەك پەن 3-قازان ارالىعىندا وتەدى. بۇل پاندەمياعا بايلانىستى وتكەن جىلدان كەيىنگە قالدىرىلعان الەم چەمپيوناتى.

سوڭعى الەم چەمپيوناتىن ارگەنتينا قۇراماسىنىڭ جەڭىپ العانىن دا ايتا كەتەيىك.