عالىمدار ادامنىڭ ەڭ كوپ قانشا جىل ءومىر سۇرە الاتىنىن انىقتادى
ولاردىڭ زەرتتەۋ ناتيجەلەرى Nature-دە جاريالاندى.
عالىمدار ادام اعزاسىنىڭ كۇيىن باعالاۋ ءۇشىن بيولوگيالىق جاس ۇعىمىن قولدانعان. بيولوگيالىق جاس كوبىنەسە ادامنىڭ ناقتى جاسىنا سايكەس كەلمەيدى. بيولوگيالىق جاستى انىقتاۋ ءۇشىن ارنايى بيوماركەرلەر - قارتايۋدى بولجايتىن كورسەتكىشتەر قولدانىلادى. ولار بارلىعىنا قارتايۋعا قارسى ءتيىمدى قۇرالداردى تاڭداۋعا مۇمكىندىك بەرەدى.
زەرتتەۋ اۆتورلارى بيولوگيالىق جاستى قان اناليزى ارقىلى انىقتاۋ ءادىسىن ازىرلەدى جانە بيولوگيالىق قارتايۋدى باعالاۋ ءۇشىن امبەباپ كەشەندى ينديكاتور DOSI (ديناميكالىق اعزا كۇيىنىڭ ينديكاتورى) قولدانۋدى ۇسىندى. بۇل اعزانىڭ جالپى فيزيكالىق توزىمدىلىك دەڭگەيىن كورسەتەدى.
ا ق ش ۇلتتىق دەنساۋلىق ساقتاۋ جانە تاماقتانۋ ساۋالناماسى جانە بريتان بيوبانكتە ساقتالعان قان اناليزى دەرەكتەرىن تالداۋ DOSI گە جاسىنا، اۋرۋىنا جانە ءومىر سالتىنا اسەر ەتەتىنىن كورسەتتى. عالىمدار ينديكاتورلاردىڭ فيزيكالىق بەلسەندىلىك دەڭگەيىنە بايلانىستى قالاي وزگەرەتىنىن زەرتتەدى.
الىنعان مالىمەتتەرگە سۇيەنە وتىرىپ، زەرتتەۋشىلەر ادام اعزاسىنىڭ توزىمدىلىگى 120-150 جاس ارالىعىندا ەڭ تومەنگى دەڭگەيگە، سونىڭ ىشىندە 150 جاستا نولگە جاقىنداعانىن انىقتادى. وسى بويىنشا عالىمدار ادام تەوريالىق تۇرعىدان كورە الاتىن ماكسيمالدى ءومىر - 150 جىل دەگەن قورىتىندىعا كەلدى.
زەرتتەۋشىلەر ولاردىڭ جاساعان ءادىسى، بيولوگيالىق جاستى انىقتاۋدىڭ باسقا ادىستەرىنەن ايىرماشىلىعى، ءبىرىنشى رەت ناقتى ادامنىڭ قانشا جىل ءومىر سۇرەتىنىن باعالاۋعا مۇمكىندىك بەرەتىنىن ايتتى.
massaget.kz
