شىمكەنتتە كۇشتى جەل ءبىرقاتار نىسانداردىڭ شاتىرىن جۇلىپ اكەتىپ، كولىكتەردى زاقىمدادى
بۇل تۋرالى قازاقپارات شىمكەنت قالالىق توتەنشە جاعدايلار دەپارتامەنتى قوعاممەن بايلانىس توبىنىڭ مالىمەتەرىنە سىلتەمە جاساپ حابارلايدى. جالپى عيماراتتاردىڭ 3223 شارشى مەتر شاتىرى قۇلاعان، 6 اۆتوكولىك زاقىمدالعان، 2016 -جىلى تۋىلعان بالا زارداپ شەككەن. قاراتاۋ اۋدانى نۇرسات شاعىناۋدانىندا، قىزىل سۋ، يسفيدجاب، وتەمىس، سايرام، شاپىراشتى تۇرعىن الاپتارىندا ەلەكتر قۋاتى سونگەن.
اۆاريالىق- قالپىنا - كەلتىرۋ جۇمىستارىن قايناربۇلاق، سايرام اۋداندىق ەلەكتر ستانسالارىنىڭ ماماندارى جۇمىس اتقارىپ، ساعات 22:18 دە اتالعان مەكەنجايلارعا ەلەكتر قۋاتى قايتا قوسىلدى. وقيعا بولعان جەرلەردە شىمكەنت قالالىق توتەنشە جاعدايلار دەپارتامەنتىنىڭ جەكە قۇرامىنان 24 ادام، 7 تەحنيكا، «كازترانسگاز» اق شىمكەنت فيليالىنىڭ 3 قىزمەتكەرى، 1 تەحنيكاسى، «وڭتۇستىك جارىق ترانزيت» جشس- نىڭ 3 قىزمەتكەرى، 1 تەحنيكاسى، «سۋ رەسۋرستار ماركەتينگ» ج ش س- نىڭ 70 قىزمەتكەرى,10 تەحنيكاسى جۇمىس اتقارعان. وسى وقيعا بويىنشا شىمكەنت قالاسى توتەنشە جاعداتسلار دەپارتامەنتىندە جەدەل شتاب قۇرىلىپ، تاۋلىك بويى كەزەكشىلىك ۇيىمداستىرىلدى. دەپارتامەنتتىڭ جەكە قۇرامى دايىندىققا كەلتىرىلىپ، كۇشەيتىلگەن جۇمىس رەجيمىنە اۋىستىرىلدى.
ايتا كەتەيىك، شىمكەنت قالاسى توتەنشە جاعدايلار دەپارتامەنتى 2021 -جىلعى 1-ماۋسىمدا وڭتۇستىك- باتىستان، باتىستان جىلدامدىعى سەكۋندىنا 15-20 مەتر جەل تۇراتىنى تۋرالى 2021 -جىلدىڭ 31-مامىرىندا الدىن الۋ ەسكەرتۋ جاريالاعان.
حابارلاما ۇيالى تەلەفوندارعا س م س ارقىلى، «دارمەن» ءموبيلدى قوسىمشاسى جانە تەلەارنالاردى ۇستاپ الۋ ارقىلى حالىققا، جەرگىلىكتى اتقارۋشى ورگاندارى مەن مەكەمەلەردىڭ باسشىلارىنا جەتكىزىلگەن.
«2021 -جىلعى 1-ماۋسىمداعى جەلدىڭ ناقتى جىلدامدىعى سەكۋندىنا 26 مەتر بولدى»، - دەلىنگەن حابارلامادا.
