08:43, 02 - ماۋسىم 2021 | GMT +5
الماتىدا قۇرمانعازى كوشەسى ۋاقىتشا جابىلادى
الماتى. قازاقپارات- الماتىدا قۇرمانعازى كوشەسى ۋاقىتشا جابىلادى، دەپ حابارلايدى قازاقپارات ءتىلشىسى.
الماتى قالالىق موبيلدىلىك باسقارماسىنىڭ مالىمەتىنشە، ۋاقىتشا جابىلعان كوشەنىڭ ءبىر بولىگىندە جول ءجونداۋ جۇمىستارى جۇرگىزىلەدى.
«قۇرمانعازى كوشەسىنىڭ مۇقانوۆ كوشەسىنەن ءشارىپوۆ كوشەسىنە دەيىنگى كولىك جۇرەتىن بولىگىندەگى جول جابىندىسىن تولىق اۋىستىرا وتىرىپ، جول جوندەۋ جۇمىستارىنىڭ جۇرگىزىلەدى. وسىعان بايلانىستى كولىك قوزعالىسى ۋاقىتشا ءىشىنارا شەكتەلەتىن بولادى»، - دەپ حابارلادى الماتى قالالىق موبيلدىلىك باسقارماسى.
باسقارما كەلتىرىلگەن قولايسىزدىق ءۇشىن الماتىلىقتاردان كەشىرىم سۇرايدى. سونىمەن قاتار، جۇرگىزۋشىلەرگە جول ءجۇرۋ باعىتىن الدىن الا جوسپارلاۋعا كەڭەس بەردى.
