جاڭا قاۋلى: ەرتەڭنەن باستاپ كارانتيندىك شەكتەۋلەر كۇشەيتىلەدى

نۇر-سۇلتان. قازاقپارات - شىمكەنت قالاسىنىڭ باس مەملەكەتتىك سانيتارلىق دارىگەرىنىڭ جاڭا قاۋلىسى شىقتى، دەپ حابارلايدى قازاقپارات ءتىلشىسى.

قاۋلىدا شىمكەنت قالاسىندا كوروناۆيرۋستىق ينفەكسيانىڭ تارالۋىنىڭ الدىن الۋ شەكتەۋ شارالارى 2021-جىلدىڭ 2- ماۋسىمىنان باستاپ ەپيدەميولوگيالىق جاعداي تۇراقتالعانعا دەيىن ۇزارتىلاتىنى ايتىلعان.

شەكتەۋ شارالارى ادامداردڭ كوپ جينالۋىمەن وتەتىن كەز كەلگەن شاراعا تىيىم سالۋدى كوزدەيدى.

ياعني، تۋعان كۇندەر، مەرەيتويلار، شىعارىپ سالۋ كەشتەرى، قۇدالىق، توي، بەتاشار جانە باسقا كوپشىلىك شارالاردى وتكىزۋگە تىيىم سالۋدى كوزدەيدى.

«2020-2021 وقۋ جىلىنىڭ سوڭعى توقسانىندا جۇمىستى ۇيىمداستىرۋ 300 وقۋشىسى بار قالالىق جانە اۋىلدىق مەكتەپتەردە سىنىپتارداعى بالالار سانىن 25 ادامنان اسىرماي وتكىزۋ ۇسىنىلادى. جالپى ءبىلىم بەرەتىن مەكتەپتەردە بارلىق سىنىپتاردىڭ وقۋشىلارى سىنىپتارداعى بالالار سانىن 25 ادامنان اسىرماي ارالاس فورماتتا وقىتا الادى. ءبىلىم بەرۋ مەكەمەسىنە ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا رۇقسات بەرىلەدى»، - دەپ جازىلعان قاۋلىدا.